02.04.2026 | 09:46
Փլուզում Երևանի Չարենցի փողոցում. տուժածներ չկան
Հայաստանի հավաքականը նահանջել է ՖԻՖԱ-ի դասակարգման աղյուսակում
01.04.2026 | 17:22
Ֆուտբոլի միջազգային ֆեդերացիան (ՖԻՖԱ) թարմացրել է հավաքականների դասակարգման աղյուսակը։
Հայաստանի ազգային հավաքականը նահանջել է մեկ աստիճան ու զբաղեցնում է 106-րդ տեղը։
Մարտի 29-ին Եղիշե Մելիքյանի գլխավորած թիմը Երևանում ընկերական հանդիպում էր անցկացրել Բելառուսի հավաքականի հետ ու պարտվել 1։2 հաշվով։ Բելառուսներն առաջադիմել են մեկ տեղով ու 97-րդն են։
ՖԻՖԱ-ի դասակարգման աղյուսակի նոր առաջատար է դարձել Ֆրանսիայի հավաքականը, Եվրոպայի չեմպիոն Իսպանիան նահանջել է երկրորդ տեղ, իսկ աշխարհի չեմպիոն Արգենտինան եզրափակում է լավագույն եռյակը։ Լավագույն տասնյակում են նաև Անգլիայի, Պորտուգալիայի, Բրազիլիայի, Նիդերլանդների, Մարոկկոյի, Բելգիայի և Գերմանիայի հավաքականները։
Ազգերի լիգայում Հայաստանի հավաքականի մրցակիցներից Չեռնոգորիան 81-րդ տեղում է, Կիպրոսը 126-րդն է, իսկ Լատվիան 137-րդն է։ Հունիսին Երևանում կայանալիք ընկերական խաղերում Եղիշե Մելիքյանի գլխավորած թիմի մրցակիցներից Ղազախստանը 110-րդն է, Մոլդովան՝ 159-րդը։
