01.04.2026 | 22:51
Լիբանանում գտնվող 39 մշակութային օբյեկտների տրամադրվել է «ուժեղացված պաշտպանության» կարգավիճակ. ՀՀ-ն մասնակցել է նիստին
Թրամփը պնդում է, որ Իրանը հրադադար է խնդրել
Քաղաքականություն
01.04.2026 | 18:28
ԱՄՆ նախագահ Դոնալդ Թրամփը հայտարարել է, որ Իրանը խնդրել է Միացյալ Նահանգներին հրադադարի մասին։ Նա հավելել է՝ ինքը կքննարկի այդ խնդրանքը միայն այն բանից հետո, երբ Իրանը վերաբացի Հորմուզի նեղուցը, նշում է CNN-ը։
Մինչ այդ, նա հավելել է, որ ԱՄՆ-ն «Իրանին ոչնչացնում է» և «վերադարձնում քարե դար»։
«Իրանի նոր ռեժիմի նախագահը, որն իր նախորդներից շատ ավելի պակաս արմատական է և շատ ավելի խելացի, հենց նոր խնդրել է Ամերիկայի Միացյալ Նահանգներին հրադադարի մասին։ Մենք կքննարկենք, երբ Հորմուզի նեղուցը բաց, ազատ և մաքուր լինի»,- նշել է Թրամփը Truth Social-ում գրառման մեջ։
Իրանից հրադադարի խնդրանքի հաստատում չի եղել, և պարզ չէ՝ արդյո՞ք Իրանի նախագահն իշխանության անունից խոսելու լիազորություն ունի։
Թրամփն ավելի վաղ հայտարարել էր, որ Հորմուզի նեղուցի բացումը խնդիր չէ Միացյալ Նահանգների համար և նախկինում ենթադրել էր, որ այն կբացվի, երբ պատերազմն ավարտվի։
Թարգմանությունը՝ Էմմա Չոբանյանի
