Ատոմակայանի աշխատողը վախվորած հրաժարվեց մեզ տրամադրել իր վարձով տարածքը. «Միասնության թևեր»-ի անդամ․ ՏԵՍԱՆՅՈՒԹ

«Տեղական ինքնակառավարման մարմինները գործիք են կառավարության ձեռքում, այնինչ այս մարմինները ինքնակառավարվող մարմիններ են և չպիտի լինեն գործիք, մեր երկրի դեպքում, ցավոք, մեկ մարդու ձեռքում։ Նրանք խոչընդոտում են մեզ»,- այս մասին հրավիրված հրատապ ասուլիսի ժամանակ ասաց «Միասնության թևեր» քաղաքական նախաձեռնության անդամ Ստյոպա Ասրյանը։

«Մեծամոր համայնքում մենք մեր գրասենյակը բացելու հետ կապված փնտրում էինք տարածք վարձակալությամբ տրամադրելու համար։ Արդեն ձեռք էր բերվել պայմանավորվածություն այն մարդու հետ, որը պատրաստ էր տրամադրել իրեն պատկանող տարածքը վարձակալությամբ և շատ դրական տրամադրված, արդեն բոլոր փաստաթղթերը դեռ իր կողմից էին շտապեցվում, որ բոլոր փաստաթղթերը օրինական ձևով կնքենք և կստանանք տարածքը մեր գործունեությունը ծավալելու համար։ Մինչդեռ դրանից մի քանի ժամ անց, հաջորդ օրը առավոտյան փոխվեց այս մարդու մոտեցումները այս հարցի վերաբերյալ, և նա լրիվ վախվորած, տարբեր պատճառաբանություններ ներկայացնելով նշեց, որ պատրաստ չէ տրամադրել տարածքը հենց այս կոնկրետ մեր գործունեության համար»։

Ասրյանի պնդմամբ՝ այդ մարդն աշխատում է պետական համակարգում որպես ծառայող Հայաստանի ատոմային էլեկտրակայանում՝ ՀԱԷԿ-ում, ինչի պատճառով էլ Մեծամորի, և համայնքային իշխանությունները, մարզային իշխանությունները տարբեր ձևեր գտնում են՝ խոչընդոտելու նոր գործունեությունը Մեծամոր և Արմավիր համայնքներում»։

Մանրամասները՝ տեսանյութում։