27.03.2026 | 17:45
ԱՄՆ-ից 300 մլն դոլարի ներդրում Հայաստանում․ մեկնարկում է Firebird-ի տվյալների կենտրոնի ծրագիրը
Կարինա Ակոպովան ու Նիկիտա Ռախմանինը 8-րդն են գեղասահքի աշխարհի առաջնությունում․ ՏԵՍԱՆՅՈՒԹ
27.03.2026 | 10:40
Հայաստանը ներկայացնող Կարինա Ակոպովա – Նիկիտա Ռախմանին սպորտային զույգը 8-րդ տեղն է գրավել Չեխիայի մայրաքաղաք Պրահայում անցկացվող գեղասահքի աշխարհի առաջնությունում։
Կարճ ու ազատ ծրագրերի հանրագումարում Ակոպովան ու Ռախմանինը հավաքել են 190.46 միավոր։ Կարճ ծրագրից հետո ևս նրանք 8-րդն էին։
Այս տարվա փետրվարին Իտալիայում կայացած ձմեռային Օլիմպիական խաղերում Հայաստանի սպորտային զույգը վաստակել էր 180.66 միավոր ու գրավել 14-րդ տեղը:
Աշխարհի չեմպիոնի կոչումը նվաճել են Գերմանիան ներկայացնող Միներվա Ֆաբիեն Հազեն ու Նիկիտա Վոլոդինը (228,33 միավոր):
Հիշեցնենք, որ աշխարհի առաջնությանը մասնակցել էր նաև Հայաստանի ներկայացուցիչ Սեմյոն Դանիլյանցը, որը չէր կարողացել հաղթահարել տղամարդկանց մենասահքի կարճ ծրագրի որակավորման փուլի արգելքը։
