06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Գեղասահքի ԱԱ․ Սեմյոն Դանիլյանցը կարճ ծրագրից հետո ավարտեց ելույթը․ ՏԵՍԱՆՅՈՒԹ
26.03.2026 | 19:40
Չեխիայի մայրաքաղաք Պրահայում ընթացող գեղասահքի աշխարհի առաջնությունում պայքարի մեջ մտավ Հայաստանի ներկայացուցիչ Սեմյոն Դանիլյանցը։
Տղամարդկանց մենասահքի կարճ ծրագրում 19-ամյա գեղասահորդը վաստակեց 70.94 միավոր և գրավեց 26-րդ տեղը՝ դուրս մնալով հետագա պայքարից։ Կարճ ծրագրին մասնակցեց 36 գեղասահորդ, 1-24-րդ տեղ գրավածները հնարավորություն ստացան մարտի 28-ին հանդես գալ նաև ազատ ծրագրով։
Լավագույն արդյունքը ցույց տվեց աշխարհի կրկնակի չեմպիոն, ԱՄՆ-ի ներկայացուցիչ Իլյա Մալինինը, որը վաստակեց 111.29 միավոր։
Աշխարհի առաջնությունում Հայաստանը ներկայացնում է նաև Կարինա Ակոպովա – Նիկիտա Ռախմանին սպորտային զույգը, որը կարճ ծրագրում հանդես էր եկել Արա Գևորգյանի «Արցախ» ստեղծագործության ներքո և գրավել էր 8-րդ տեղը։ Մարտի 26-ին Ակոպովան ու Ռախմանինը հանդես կգան նաև ազատ ծրագրում, որը կմեկնարկի Երևանի ժամանակով 21:15-ին:
