20.05.2026 | 16:21
«Հեռախոսով էդքան փողի անունը կտաք, որ ի՞նչ»․ ՀԿԿ-ն ԱԹՍ-ով գաղտնալսում է իրականացրել․ ՏԵՍԱՆՅՈՒԹ
Թուրքիան ՆԱՏՕ-ի հետ համակարգված Իրաքից դուրս է բերել իր զորքերը
Քաղաքականություն
26.03.2026 | 22:39
Թուրքիան ավարտել է իր անձնակազմի տարհանումը Բաղդադից՝ Իրաքում ՆԱՏՕ-ի առաքելությունը դուրս բերելու որոշումից հետո։ Երկրի Պաշտպանության նախարարության խոսնակ Զեքի Աքթյուրքը հայտարարել է, որ Իրաքի մայրաքաղաքում տեղակայված Թուրքիայի զինված ուժերի անձնակազմի տարհանումը հաջողությամբ է իրականացվել։
Նա նշել է, որ ՆԱՏՕ-ի իշխանությունները որոշել են դուրս բերել Իրաքում առաքելությունը՝ հաշվի առնելով տարածաշրջանում վերջին զարգացումները։
«Այս որոշմանը համապատասխան՝ Բաղդադում ծառայող մեր թուրքական զինված ուժերի անձնակազմի տարհանումը հաջողությամբ ավարտվել է»,- ասել է նա նախարարությունում շաբաթական մամուլի ճեպազրույցի ժամանակ։
Թուրքիան նաև աջակցել է դաշնակից երկրներից անձնակազմի տարհանման ջանքերին՝ որպես ՆԱՏՕ-ի գլխավորած դուրսբերման ծրագրի մաս, նշել է նա՝ հավելելով, որ Թուրքիայի զինված ուժերը շարունակում են նպաստել խաղաղությանն ու կայունությանը լայն աշխարհագրության մեջ՝ միջազգային առաքելությունների և երկկողմ հարաբերությունների միջոցով։
Ըստ Աքթյուրքի՝ Թուրքիան շարունակում է ներգրավված լինել տարբեր տարածաշրջաններում կայունության պահպանման և խաղաղության աջակցմանն ուղղված ջանքերում։
Թարգմանությունը՝ Էմմա Չոբանյանի
