27.07.2026 | 22:59
Սևանա լճի մակարդակը հուլիսի 20-26-ը հունվարի 1-ի ցուցանիշից բարձր է 57 սմ-ով
Մբապեն հերքել է, թե «Ռեալի» բժիշկները «շփոթել» են իր ծնկները
26.03.2026 | 11:50
Մադրիդի «Ռեալի» ֆրանսիացի հարձակվող Կիլիան Մբապեն հերքել է լուրերը, թե ակումբի բժիշկները սխալ են թույլ տվել իր ծունկը բուժելիս։ Ավելի վաղ լուրեր էին շրջանառվում, որ դեկտեմբերին «Ռեալի» բժշկական անձնակազմը կատարել էր ՄՌՏ հետազոտություն և սխալմամբ ուսումնասիրել 27-ամյա ֆուտբոլիստի առողջ ոտքը։
«Ես երբեք ոչնչի համար չեմ զղջում, միայն նայում եմ ներկային և մոտ ապագային։ Հիմա ես ինձ լավ եմ զգում, դա հատկապես վերաբերում է ծնկներիս, ինչը շատ կարևոր է ինձ համար։ Շնորհակալություն նաև իմ ակումբին, որը հոգ է տարել իմ մասին։ Ես լավ մարզավիճակում եմ։
Այն տեղեկությունը, որ բուժել են իմ սխալ ծունկը, չի համապատասխանում իրականությանը։ Հնարավոր է՝ ես էլ որոշակի պատասխանատվություն եմ կրում, քանի որ երբ դու լռում ես, ասեկոսեներ են առաջանում։ Այդպիսին է խաղը»,- Մբապեի խոսքը մեջբերում է El Mundo-ն։
Հիշեցնենք, որ այս օրերին Մբապեն Ֆրանսիայի հավաքականի կազմում պատրաստվում է Բրազիլիայի և Կոլումբիայի դեմ ընկերական հանդիպումներին։
