17.12.2025 | 22:03
Երևանում Opel մակնիշի ավտոմեքենա է այրվել
ԱՄՆ-ն շարունակում է անտեսել Թուրքիայի կոչերը
Քաղաքականություն
16.11.2018 | 13:14
Սիրիայում ԱՄՆ-ի հատուկ ներկայացուցիչ Ջեյմս Ջեֆֆրին նորից Սիրիայի քրդական ուժերի (YPG) վերաբերյալ արել է այնպիսի հայտարարություն, որը զայրացրել է թուրքական կողմին. փոխանցում է ermenihaber-ը:
Ինչպես հայտնի է, Թուրքիան Սիրիայի քուրդ զինյալներին համարում է ահաբեկիչներ, իսկ ԱՄն-ն՝ ոչ։
Կազմակերպված ճեպազրույցներից մեկի ժամանակ ամերիկացի պաշտոնյան մեկ անգամ ևս վերահաստատել է ԱՄՆ-ի այն դիրքորոշումը, որ Սիրիայի քուրդ զինյալներն իրենց համար ահաբեկիչներ չեն։
«Քուրդ զինյալները Սիրիայում մեր գործընկերներն են։ 2014-ից սկսած նրանք համարվում են «Քուրդիստանի բանվորական կուսակցության» (ՔԲԿ-PKK) Սիրիայի թևը։ Սակայն ի տարբերություն PKK-ի, որին մենք ահաբեկչական ենք համարում, YPG-ն մեզ համար ահաբեկչական կազմակերպություն չէ։
Օրերս նույն Ջեյմս Ջեֆրին ևս նմանատիպ հայտարարություն էր արել. «PKK-ի հարցում մեր դիրքորոշումը հստակ է։ Իսկ YPG-ն մենք չենք համարում ահաբեկչական կազմակերպություն։ Մենք հասկանում ենք PKK-ի և YPG-ի հնարավոր կապի վերաբերյալ Թուրքիայի մտահոգությունները և այդ իսկ պատճառով շատ ուշադիր ենք»։
Այդ հայտարարությունից հետո մի շարք թուրք պաշտոնյաներ մեղադրեցին ԱՄՆ-ին «երկերեսանիության» մեջ։
Հիշեցնենք, որ Թուրքիան ԱՄՆ-ի ղեկավարությանը բազմիցս կոչ է արել նաև Սիրիայի քրդական ուժերին ահաբեկչական ճանաչել, սակայն Վաշինգտոնը չի բավարարել նրանց այդ պահանջը, քանի որ համարում է, որ YPG-ն մեծ ներդրում ունի Սիրիայում «Իսլամական պետություն» և «Ալ Նուսրա» ահաբեկչական կազմակերպությունների դեմ պայքարում և կարևոր գործընկեր է Վաշինգտոնի համար։
