27.10.2026 | 14:15
Արմավիրի դատարանից փախուստի դիմած կալանավորը հայտնաբերվել և ձերբակալվել է Ջրվեժում
Մասիսում 75-ամյա տղամարդը խանդի հողի վրա դանակահարել է նախկին կնոջը․ ՆԳՆ
Հասարակություն
25.03.2026 | 16:21
Մասիսում տղամարդը ինքնակամ ներկայացել է ոստիկանություն և հայտնել, որ դանակահարել է նախկին կնոջը։ ՆԳՆ ոստիկանությունից հայտնում են, որ ստացած վնասվածքներից 70-ամյա կինը մահացել է, կասկածյալը ձերբակալված է։
«Մարտի 25-ին՝ ժամը 14․20-ի սահմաններում, Համայնքային ոստիկանության Մասիսի բաժին է ներկայացել մի տղամարդ և հայտնել, որ րոպեներ առաջ դանակահարել է նախկին կնոջը։
Պարզվել է, որ 75-ամյա տղամարդը ժամը 13․50-ի սահմաններում այցելել է Մասիսի Հանրապետության փողոցում բնակվող նախկին կնոջը և դանակահարել նրան։ Ըստ նախնական տվյալների՝ դրդապատճառը խանդն է։ 70-ամյա կինը ստացած մարմնական վնասվածքներից մահացել է։
75-ամյա տղամարդը ձերբակալվել է։ Կազմված փաստաթղթերը փոխանցվել են նախաքննական մարմին, հանգամանքները պարզվում են»,- ասված է հաղորդագրությունում։
