27.07.2026 | 22:59
Սևանա լճի մակարդակը հուլիսի 20-26-ը հունվարի 1-ի ցուցանիշից բարձր է 57 սմ-ով
Ադրբեջանի տարածքով այսօր ռուսական ցորեն Հայաստան կուղարկվի
25.03.2026 | 10:58
Այսօր ռուսական ցորենի նոր խմբաքանակ կուղարկվի Հայաստան Ադրբեջանի տարածքով։ Ադրբեջանական լրատվամիջոցների հաղորդմամբ՝ ցորենով բեռնված հինգ վագոն կմեկնի Բաքվի ծայրամասում գտնվող Բիլաջարի կայարանից։ Այնուհետև գնացքը կշարժվի Բոյուկ-Քյասիկ կայարանով դեպի Վրաստան, որտեղից կուղևորվի Հայաստան։
Հաղորդվում է նաև, որ հինգ վագոններով ընդհանուր 350 տոննա ցորեն է ուղարկվում։
Ռուսական ցորենի վերջին խմբաքանակն Ադրբեջանով Հայաստան էր ուղարկվել մարտի 19-ին. այդ ժամանակ առաքվել է 488 տոննա բեռ։
Նախօրեին էլ Բաքվի Բիլաջարի երկաթուղային կայարանից Հայաստան է ուղարկվել ռուսական պարարտանյութերով բեռնված չորս վագոն և մեկ վագոն հնդկաձավար։ Պարարտանյութի ընդհանուր քաշը 271 տոննա է, հնդկաձավարինը՝ 68 տոննա։
Թարգմանությունը՝ Էմմա Չոբանյանի
