16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Ամեն ինչ անելու ենք, որ Շարմազանովը լինի խորհրդարանում, և մարդիկ չտխրեն. Հովհ. Սահակյան. «Ժողովուրդ»
16.11.2018 | 10:11
«Ժողովուրդ» թերթը գրում է.
ՀՀԿ համամասնական ցուցակից բացակայում է ԱԺ ՀՀԿ խմբակցության նախկին պատգամավոր Հովհաննես Սահակյանը:
Նա «Ժողովուրդ» թերթի հետ զրույցում նշեց, թե ոչ մի խնդիր չի եղել, պարզապես չի ցանկացել առաջադրվել, սակայն նշեց, թե անմասն չի մնալու քաղաքական գործընթացներից:
«Իմ լավ գործընկերները առաջադրվել են Լոռու մարզում. խոսքս Վահրամ Բաղդասարյանի, Էդուարդ Շարմազանովի մասին է: Այն գործընկերս, ով կունենա աջակցության կարիք և անպայման պետք է լինի խորհրդարանում` հատկապես Էդուարդ Շարմազանովը, անաչառ ձևով աջակցելու եմ իմ թիմով: Ամեն ինչ անելու ենք, որ Շարմազանովը լինի խորհրդարանում, և մարդիկ չտխրեն»,- նշեց նա»:
Առավել մանրամասն՝ թերթի այսօրվա համարում:
