22.05.2026 | 23:30
Գորիսում «Լաստիխութ» կոչվող տարածքում երեխաներ են մոլորվել. փրկարարները հայտնաբերել են նրանց
Արարատ Միրզոյանն ընդունել է ՄԱԿ-ի հատուկ զեկուցողին, որը Հայաստանում է՝ գնահատելու երկրում խաղաղ հավաքների անցկացման ազատության իրացման մակարդակը
Քաղաքականություն
15.11.2018 | 19:14
Առաջին փոխվարչապետի պաշտոնակատար Արարատ Միրզոյանն այսօր ընդունել է ՄԱԿ-ի Խաղաղ հավաքների և միություններ կազմելու իրավունքի հարցերով հատուկ զեկուցող Կլեման Նյալեցոսի Վուլեին, ով Հայաստան է ժամանել՝ գնահատելու երկրում խաղաղ հավաքների անցկացման ազատության իրացման մակարդակը, որի արդյունքում 2019 թվականի հունիսին Մարդու իրավունքների 41-րդ նստաշրջանին ներկայացվելու է համապարփակ զեկույց:
Առաջին փոխվարչապետի պաշտոնակատարն ընդգծել է, որ ժողովրդավարությունը, մարդու իրավունքները, խաղաղ հավաքները երկրի զարգացման միակ ճանապարհն է, և դրանք հանդիսանում են Նոր Հայաստանի կառավարության առանցքային արժեքները:
Հանդիպման ընթացքում անդրադարձ է կատարվել կառավարման համակարգում լայնածավալ բարեփոխումներին՝ ուղղված ժողովրդավարության ամրապնդմանը և օրենքի գերակայությանը: Երկուստեք կարևորվել է քաղաքացիական հասարակության, կանանց ու երիտասարդության ներգրավվածությունն ու ակտիվ մասնակցությունն արդյունավետ կառավարման, քաղաքականության մշակման և որոշումների կայացման գործում:
