Քաղաքականություն
19.03.2026 | 21:52
Արևմտյան վեց դաշնակիցներ, այդ թվում՝ Մեծ Բրիտանիան, Ֆրանսիան, Գերմանիան և Ճապոնիան, համատեղ հայտարարությամբ հայտնել են, որ պատրաստ են «նպաստել Հորմուզի նեղուցով անվտանգ անցումն ապահովելու համապատասխան ջանքերին», գրում է France24-ը։
«Մենք ողջունում ենք նախապատրաստական պլանավորմանը մասնակցող երկրների հանձնառությունը», – հավելել է խումբը, որի մեջ են մտնում նաև Իտալիան և Նիդեդլանդները՝ «ամենախիստ կերպով դատապարտելով Իրանի կողմից Պարսից ծոցում անզեն առևտրային նավերի վրա վերջերս կատարված հարձակումները»։
Հայտարարությունը հնչում է այն բանից հետո, երբ Միջազգային ծովային կազմակերպությունը հայտնում է, որ մոտ 20,000 ծովայիններ մնում են Հորմուզի նեղուցից արևմուտք գտնվող մոտ 3,200 նավերի վրա՝ կարևորագույն նավագնացության հանգույցի Իրանի կողմից փաստացի շրջափակման պատճառով։
Թարգմանությունը՝ Էմմա Չոբանյանի
