27.10.2026 | 11:48
Անհետ կորածների որոնման համար միջազգային հանձնաժողովը նոր ֆինանսական աջակցություն կտրամադրի ՀՀ-ին․ ՏԵՍԱՆՅՈՒԹ
Սա մեր պատերազմը չէ, մենք չենք սկսել այն. Գերմանիայի պաշտպանության նախարարը` Թրամփին
Քաղաքականություն
16.03.2026 | 19:10
Գերմանիայի պաշտպանության նախարար Բորիս Պիստորիուսը մերժել է ԱՄՆ նախագահ Դոնալդ Թրամփի՝ Իրանի դեմ պատերազմում ռազմական աջակցության պահանջները։
«Ի՞նչ է Դոնալդ Թրամփը ակնկալում Հորմուզի նեղուցում գտնվող մի քանի եվրոպական ֆրեգատներից, որոնք ԱՄՆ հզոր նավատորմը չի կարող միայնակ կառավարել։ Սա այն հարցն է, որը ես ինձ տալիս եմ։ Գերմանիայի կողմից ռազմական մասնակցություն չի լինի, բայց Բեռլինը պատրաստ է աջակցել դիվանագիտական ջանքերին՝ Հորմուզի նեղուցով անվտանգ անցում ապահովելու համար»,- ասել է Պիստորիուսը Բեռլինում։
«Սա մեր պատերազմը չէ։ Մենք չենք սկսել այն։ Մենք ցանկանում ենք դիվանագիտական լուծումներ և արագ ավարտ, բայց տարածաշրջան ավելի շատ ռազմանավեր ուղարկելը, հավանաբար, չի նպաստի դրան»,- հավելել է նա։
Ըսը պաշտոնյայի՝ Գերմանիայի հիմնական պատասխանատվությունն «արևելյան թևի և Ատլանտյան օվկիանոսի համար է» և «մենք հավատարիմ են մնում դրան, բայց չենք կարող լինել աշխարհի որևէ վայրում»։
Թրամփի նախազգուշացման մասին հարցին, որ ՆԱՏՕ-ն կբախվի «շատ վատ» ապագայի, եթե անդամները չօգնեն Վաշինգտոնին, Պիստորիուսը պատասխանել է, որ չի կանխատեսում, թե ՆԱՏՕ-ն կփլուզվի այս տարաձայնությունների պատճառով։
Թարգմանությունը՝ Էմմա Չոբանյանի
