16.08.2026 | 14:30
Վթարային ջրանջատում Երևանում
Ինչո՞ւ է հիասթափված Սամվել Ֆարմանյանը. ՏԵՍԱՆՅՈՒԹ
Հասարակություն
15.11.2018 | 11:31
Ես հիասթափված եմ, որովհետև զգում եմ, որ այս նախագիծը բավարար աջակցություն չի ստանալու պատգամավորների կողմից: Այսօր՝ նոյեմբերի 15-ին, ՀՀ Ազգային ժողովում հայտարարեց ՀՀԿ խմբակցության պատգամավոր Սամվել Ֆարմանյանը՝ խոսելով իր ներկայացրած «Վիճակախաղերի մասին» ՀՀ օրենքը ուժը կորցրած ճանաչելու և «Ինտերնետ շահումով խաղերի և խաղատների մասին» օրենքում փոփոխություններ և լրացումներ կատարելու նախագծերի մասին։
«Այս կարևոր նախագիծը, ցավոք, չունի այն քաղաքական աջակցությունը, որը կօգներ այն վերածել գործող օրենքի»,- հավելեց պատգամավորը:
Սամվել Ֆարմանյանը հույս հայտնեց, որ գալիք խորհրդարանը կշարունակի հետամուտ լինել խնդրի կարգավորմանը. «Իսկ ես լռելյայն, առանց այդ մասին բարձրաձայնելու, պարզապես ամեն անգամ, երբ մեր մամուլում տեղեկություններ կհայտնվեն այս խնդրի հետ կապված հանցագործությունների, մարդկային խեղված ճակատագրերի մասին, պարզապես ֆեյսբուքյան մեսինջերով լռելյայն ձեզ կուղարկեմ բոլոր այդ դեպքերի մասին հաղորդագրություններ»:
Մանրամասները՝ տեսանյութում
