Ինչ է հայտարարագրել «Ուժեղ Հայաստան»-ի գործադիր մարմնի ղեկավար Ալեքսան Ալեքսանյանը

Լուրեր

17.11.2026 | 13:42
Գեղամ Մանուկյանն արձագանքեց Վահագն Ալեքսանյանի՝ Քոչարյանի և Հեյդար Ալիևի մտերմության մասին ռեպլիկին․ ՏԵՍԱՆՅՈՒԹ
17.11.2026 | 13:37
Քոչարյանը միակն է ՀՀ-ում, որ Հեյդար Ալիևից երաշխավորագիր է ստացել. Վահագն Ալեքսանյան․ ՏԵՍԱՆՅՈՒԹ
17.11.2026 | 13:35
Հայ ծանրորդները կմասնակցեն Օլիմպիական վարկանշային մրցաշարի
17.11.2026 | 13:26
Եվրոպայի համար կարևոր է՝ թույլ չտալ Ռուսաստանի ազդեցության ուժեղացումը Հարավային Կովկասում․ Գերմանիայի ԱԳ նախարար
17.11.2026 | 13:19
Էդգար Ղազարյանը Արթուր Սարգսյանի բացակայության վերաբերյալ հարցեր ուղղեց. Ռուբինյանը չպատասխանեց․ ՏԵՍԱՆՅՈՒԹ
17.11.2026 | 13:16
Գևորգ Ստեփանյանի ճեպազրույցը. ՈւՂԻՂ
17.11.2026 | 13:15
Արմեն Գրիգորյանին ՔՊ-ից հեռացնելու հարց չի քննարկվում. Հասմիկ Հակոբյան
17.11.2026 | 13:07
Ռուսաստանը զանգվածային հարված է հասցրել Ուկրաինային․ Կիևում վնասվել է երկու կամուրջ
17.11.2026 | 13:04
«Բոլոր արժեքները պղծած». ԱԺ-ում հարվածում են սեղաններին Գարեգին Բ-ի աշխարհիկ անունը հնչելուց հետո․ ՏԵՍԱՆՅՈՒԹ
17.11.2026 | 12:59
Ենթադրում եմ` տիկին Հակոբյանի ելույթին եք հղում անում. խցանումները կապ չունեն շինթույլտվությունների հետ. Ավինյան․ ՏԵՍԱՆՅՈՒԹ
17.11.2026 | 12:50
Մասիս Մելքոնյանին գաղտնալսելու թույլտվությունը տվել է Ժորա Չիչոյանը
17.11.2026 | 12:42
Հայելու մեջ նայե՛ք, հասկացեք` ինչ տիպի չկաք. փոխքաղաքապետը` ընդդիմությանը․ ՏԵՍԱՆՅՈՒԹ
17.11.2026 | 12:36
Տիգրան Ավինյանի ճեպազրույցը՝ ՈւՂԻՂ
17.11.2026 | 12:34
«Խորոված էիք անում, երբ ժողովրդավարության բարձր ցուցանիշ կար». ընդդիմության առաջարկը մերժվեց․ ՏԵՍԱՆՅՈՒԹ
17.11.2026 | 12:28
Ուկրաինական ԱԹՍ-ների հարվածի հետևանքով Բաշկորտոստանում հրդեհ է բռնկվել «Գազպրոմի» գործարանում
Բոլորը

«Ուժեղ Հայաստան» գործադիր մարմնի ղեկավար Ալեքսան Ալեքսանյանը 2025 թվականին մոտ 26 մլն դրամ եկամուտ է ունեցել։ Կոռուպցիայի կանխարգելման հանձնաժողով ներկայացրած նրա գույքի և եկամուտների հայտարարագրից Factor.am-ը տեղեկացավ, որ Ալեքսանյանը վարձատրություն է ստացել «Արմհոլդինգ Սերվիսիզ Քո» ՓԲԸ-ից՝ 4․7 մլն դրամ, «Ասսեթ Մենեջմենթ» ՓԲԸ-ից՝ 8․2 մլն դրամ, «Մեր Ձևով» ազգային արժեքների պահպանության ՀԿ-ից՝ 300 հազար դրամ, և «Հայաստանի էլեկտրական ցանցեր» ընկերությունից՝ 12․8 մլն դրամ։

Նրա բանկային հաշիվներին եղել է ընդամենը 1․1 մլն դրամ և 91 հազար ռուբլի, իսկ կանխիկ գումար Ալեքսանյանը չի հայտարարագրել։ Միաժամանակ, նա ունի 6․3 մլն դրամ վարկի մայր գումարի մնացորդ։

Գործադիր մարմնի ղեկավարն անցած տարի 2 ավտոմեքենա է գնել՝ 2024 թվականի արտադրության «LIXIANG L9 ULTRA» (միջին շուկայական գինը ՀՀ-ում՝ 65-70 հազար դոլար) և 2017 թվականի արտադրության «TOYOTA TUNDRA 5․7» (միջին շուկայական գինը ՀՀ-ում՝ 30-40 հազար դոլար)։ Եվս 1՝ 1995 թվականի BMW մակնիշի ավտոմեքենա, նա ձեռք էր բերել 2023 թվականին։

Ալեքսանյանը որևէ անշարժ գույք չի հայտարարագրել, թեև նա գրանցված է Աբովյան քաղաքի շենքերից մեկի բնակարանում, որը, ըստ երևույթին, նրա հայրական տունն է, և նա դրանից բաժնեմաս ունի։

Ալեքսանյանն իր հայտարարագրում նշել է միայն 2 ընկերությունում մասնակցություն՝ «Ասսեթ Մենեջմենթ» ՓԲԸ և «Արմատ Մեդիա» ՍՊԸ, որոնք նա ձեռք է բերել 2024 և 2025 թվականներին, և որոնց կանոնադրական կապիտալն ընդամենը 1000-ական դրամ է։

Ընդ որում՝ Ալեքսանյանը այս 2 ընկերություններին անտոկոս փոխառություն է տվել․ «Ասսեթ Մենեջմենթ» ՓԲԸ-ին՝ 4․3 մլրդ դրամ, «Արմատ Մեդիա» ՍՊԸ-ին՝ 1 մլն դրամ։

Ալեքսանյանը չի հայտարարագրել «Ֆորտունա» ՍՊԸ-ում իր 80% մասնակցությունը (մյուս 20% բաժնեմասը պատկանում է Կարեն Արշակյանին), որի սեփականատերը 2013-2015 թվականներին եղել է «Տաշիր Ինվեստ Գրուպ»-ը։ Ըստ պետական ռեգիստրի՝ Ալեքսանյանին է պատկանում նաև «Թաունհաուս» ՍՊԸ-ի 100%-ը, սակայն այդ մասին ևս հայտարարագրում որևէ նշում կուսակցության ղեկավարը չի արել։

 

Գայանե Խաչատրյան