27.10.2026 | 11:48
Անհետ կորածների որոնման համար միջազգային հանձնաժողովը նոր ֆինանսական աջակցություն կտրամադրի ՀՀ-ին․ ՏԵՍԱՆՅՈՒԹ
Լիբանանը դիմել է Թրամփին՝ Իսրայելի հետ բանակցություններում միջնորդելու խնդրանքով. Axios
Քաղաքականություն
09.03.2026 | 23:33
Լիբանանը դիմել է ԱՄՆ նախագահ Դոնալդ Թրամփի վարչակազմին՝ Իսրայելի հետ բանակցություններում միջնորդելու և ռազմական գործողությունները դադարեցնելու համար։ Այս մասին հայտնում է Axios-ը՝ հղում անելով հինգ աղբյուրների։
Միաժամանակ ԵՄ արտաքին քաղաքականության բարձր ներկայացուցիչ Կայա Կալասը կոչ է արել Իսրայելին դադարեցնել ռազմական գործողությունները Լիբանանում։ Նրա գնահատմամբ՝ Իսրայելը իրավունք ունի ինքնապաշտպանության՝ վերջերս «Հըզբոլլահ» խմբավորման հարձակումներից հետո, սակայն պատասխան գործողությունները կարող են հանգեցնել բնակչության զանգվածային տեղահանությունների և ավելի ապակայունացնել առանց այդ էլ փխրուն իրավիճակը։
Կալլասի խոսքով՝ կոշտ արձագանքը կարող է Լիբանանը և նրա բնակչությանը ներքաշել մի պատերազմի մեջ, որը նրանց պատերազմը չէ։
«Դիվանագիտությունն ու հրադադարի վերականգնումը լավագույն հնարավորություն են Լիբանանը քաոսի մեջ ընկղմվելուց պաշտպանելու համար»,- նշել է նա՝ կոչ անելով կանխել նոր զոհերը և հարգել Լիբանանի ինքնիշխանությունը։
Իսրայելը երկուշաբթի գիշերը սկսել է սահմանափակ ցամաքային գործողություն Լիբանանում գործող շիա արմատական «Հըզբոլլահ» շարժման դեմ։ Ցամաքային ուժերի մտնելուց առաջ ՑԱԽԱԼ-ը հուժկու ավիահարվածներ է հասցրել Լիբանանի Բեյրութի հարավային արվարձաններին, որոնք վերահսկվում են «Հըզբոլլահ»-ի կողմից: Մինչ այդ Իրանի կողմից աջակցվող այս խմբավորումը հրթիռներ և անօդաչու թռչող սարքեր էր արձակել Իսրայելի ուղղությամբ՝ ի պատասխան Իրանի վրա հարձակման։
