02.03.2026 | 14:54
Քոչարյանի գործով նախկին դատավոր Աննա Դանիբեկյանին հետապնդելու մեջ մեղադրվող Նարեկ Մաթաֆյանն ու Սարգիս Օհանջանյանն արդարացվել են
Աշխատանքի համար ռուսաստանցիների նախընտրած երկրներից են նաև Հայաստանն ու Բելառուսը
Քաղաքականություն
14.11.2018 | 16:39
Հանուն կարիերայում հեռանկարի ռուսաստանցիներն այնքան էլ հակված չեն փոխել բնակության վայրը: Այդուհանդերձ, «Ռոմիր» հոլդինգի հետազոտության արդյունքների համաձայն, սոցհարցմանը մասնակցածների 5 տոկոսը պատրաստ է հանուն նոր աշխատանքի տեղափոխվել այլ երկիր, մասնավորապես՝ Հայաստան և Բելառուս: Հարցման արդյունքներին անդրադարձել է ՌԻԱ Նովոստին:
Միաժամանակ, ըստ սոցհարցման արդյունքների, ռուսաստանցիների մեծ մասն աշխատանք գտնելու ամենահուսալի միջոցը համարում է անձնական կապերը (հարցվածների 65 տոկոսը): Եվս 24 տոկոսը նշել է, որ աշխատանք փնտրում է սոցցանցերի, 18 տոկոսը՝ զբաղվածության ծառայությունների միջոցով:
Քաղաքացիներին նաև հարցրել են, թե վերջին անգամ ե՞րբ են փոխել աշխատավայրը: Պարզվել է՝ հարցվածների կեսից ավելին (60 տոկոսը) վերջին հինգ տարիներին չի փոխել աշխատավայրը:
«Ամենից հաճախ աշխատանքը փոխում են ցածր եկամուտ ունեցող քաղաքացիներ (ընտանիքի յուրաքանչյուր անդամի համար՝ 10.000 ռուբլուց պակաս): Փոփոխությունների ավելի շատ հակված է նաև երիտասարդությունը»,- նշում են «Ռոմիր»-ում:
