05.03.2026 | 19:36
Ասում են` Գարեգին Բ-ն է տարածել ձեզ վերագրվող տեսանյութը, ճի՞շտ է. հարց Արշակ արքեպիսկոպոսին. ՏԵՍԱՆՅՈՒԹ
Պեսկովը հայտարարել է, որ Իրանից օգնության դիմում ՌԴ-ին չի եղել
Քաղաքականություն
05.03.2026 | 16:38
Կրեմլը հայտարարել է, որ իրանական կողմը Ռուսաստանից որևէ օգնություն չի խնդրել՝ բացի Մոսկվայի կողմից տրամադրված քաղաքական աջակցությունից, գրում է Ինտերֆաքսը։
«Իրանական կողմից որևէ դիմում չի եղել։ Մեր հետևողական դիրքորոշումը բոլորին լավ հայտնի է, և որևէ փոփոխություն չի եղել», – լրագրողներին ասել է Ռուսաստանի նախագահի մամուլի քարտուղար Դմիտրի Պեսկովը՝ պատասխանելով հարցին՝ արդյո՞ք Մոսկվան մտադիր է Թեհրանին որևէ օգնություն տրամադրել։
Նշենք, որ ՌԴ նախագահ Վլադիմիր Պուտինը ԱՄՆ-ի և Իսրայելի հարվածները որակել էր որպես «Իրանի դեմ ագրեսիա»։ Նա Մերձավոր Արևելքում ռազմական գործողությունները քննարկել է ԱՄԷ-ի, Կատարի, Բահրեյնի և Սաուդյան Արաբիայի ղեկավարների հետ։
Պատերազմի երկրորդ օրը Պուտինը ցավակցություն էր հայտնել Իրանի գերագույն հոգևոր առաջնորդ այաթոլլահ Ալի Խամենեիի և նրա ընտանիքի անդամների «սպանության կապակցությամբ», որը «կատարվել է մարդկային բարոյականության և միջազգային իրավունքի բոլոր նորմերի ցինիկ խախտմամբ»։
Թարգմանությունը՝ Էմմա Չոբանյանի
