25.04.2026 | 19:00
Գուցե կան տողատակեր, որոնցից տեղյակ չենք, բայց չենք կարող Ցեղասպանության վրա խաչ քաշել. Արա Գևորգյան
Իսրայելը և Հնդկաստանը ստորագրել են 16 հուշագիր` խորացնելով ռազմավարական գործընկերությունը
Քաղաքականություն
26.02.2026 | 21:37
Հինգշաբթի օրը Իսրայելը և Հնդկաստանը պաշտոնականացրել են մի շարք համաձայնագրեր, որոնք ուղղված են երկու երկրների միջև ռազմավարական, տնտեսական և տեխնոլոգիական կապերի ամրապնդմանը։
Միջոցառման ընթացքում, որին մասնակցել են Իսրայելի վարչապետ Բենիամին Նեթանյահուն և Հնդկաստանի վարչապետ Նարենդրա Մոդին, պաշտոնյաները ստորագրել են տարբեր ոլորտներ ընդգրկող 16 փոխըմբռնման հուշագիր։
Իսրայելի ԱԳ նախարար Գիդեոն Սաարը և Հնդկաստանի արտաքին գործերի նախարար դոկտոր Սուբրամանյամ Ջայշանկարը ստորագրել են համաձայնագրեր, որոնք կենտրոնացած են գյուղատնտեսության, նորարարության և տեխնոլոգիաների վրա, ներառյալ քաղաքացիական անօդաչու թռչող սարքերի օգտագործումը, արբանյակային տվյալները, ոռոգման և պարարտացման կառավարումը, վնասատուների դեմ պայքարը, ջերմոցային մշակաբույսերը և առաջադեմ գյուղատնտեսական տեխնիկայի վերաբերյալ գիտելիքների փոխանցումը։
Հնդկաստանի վարչապետը Նեթանյահուի հետ այցելել է Յադ Վաշեմ Հոլոքոստի հուշահամալիր, այդ թվում՝ Անունների սրահ, և մասնակցել Հոլոքոստի զոհերի հիշատակին նվիրված հիշատակի արարողությանը։ Իսրայելի նախագահ Իսահակ Հերցոգը ողջունել է Մոդիին նախագահական նստավայրում, որտեղ երկու առաջնորդները տնկել են կաղնի՝ ի նշան բարեկամության։
Համաձայնագրերը ներառում են նաև տնտեսական, ռազմական և դիվանագիտական համագործակցություն՝ արտացոլելով երկրների միջև աճող ռազմավարական գործընկերությունը։
Մոդին Հնդկաստանի առաջին վարչապետն է, որը ելույթ ունեցել Քնեսեթում։
Թարգմանությունը` Էմմա Չոբանյանի
