18.12.2025 | 19:15
Նավթային շրջանն ավարտվում է. Ադրբեջանը 2027-2035 թվականներին կբախվի խորը ճգնաժամի. հետազոտություն
Եթե այս ընտրություններում փողը դեր չխաղա, ունենալու ենք հզոր Ազգային ժողով․ Էդմոն Մարուքյան
Քաղաքականություն
13.11.2018 | 18:11
Ազգային ժողովի «Ելք» խմբացկության պատգամավոր Էդմոն Մարուքյանն այսօր խորհրդարանում հայտարարությունների ժամին մի քանի ուղերձներով դիմեց ՀՀ քաղաքացիներին։
«Բոլոր ընտրատարածքներում ունենալու ենք ակտիվ մասնակցող թեկնածուներ՝ և՛ ռեյտինգային, և՛ համամասնական ընտրակարգով։ Ես կոչ կանեի մեր քաղաքացիներին, որ ակտիվորեն մասնակցեն մեր քարոզարշավին, կապվեն մեր շտաբների, մեր կուսակցական գրասենյակների հետ: Շատ կարևոր է, որ այս խորհրդարանական ընտրությունները իրապես լինեն արդար և թափանցիկ, լինեն հավասար մրցակցային, և նախկինի արատավոր բարքերն ու երևույթները հաղթահարենք։ Ունենանք մի իրավիճակ, որ ընտրություններից հետո որևէ մեկը չկարողանա ասել, թե ընտրություններից հետո ունեցել են խնդիրներ»,-ասաց Էդմոն Մարուքյանը։
Պատգամավորը նշեց, որ թեև արդեն իսկ ստանում են տարատեսակ հաղորդագրություններ՝ կապված նախատեսվող ընտրախախտումների հետ, ինքը, սական, դրանք համարում է բամբասանք, բայցև կոչ է անում քաղաքացիներին ցանկացած իրավախախտման պարագայում կապվել «Լուսավոր Հայաստան» կուսակցության գրասենյակ:
«Եթե այս ընտրություններում փողը դեր չխաղա, մարդկանց ազատ կամքի արտահայտման վրա ճնշում չլինի, ես վստահ եմ՝ մենք ունենալու ենք հզոր Ազգային ժողով, որը ձևավորվելու է քաղաքացու ազատ կամարտահայտմամբ և «Լուսավոր Հայաստան» անվանումով խմբակցություն»,-ասաց Մարուքյանը՝ հաջողություն մաղթելով բոլոր քաղաքական ուժերին։
