27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Ռուսաստանը կրկին կռվում է սովորական բնակելի շենքերի դեմ. Զելենսկի
Քաղաքականություն
26.02.2026 | 17:38
Ուկրաինայի նախագահ Վլադիմիր Զելենսկին անդրադարձել է Ռուսաստանի կողմից 420 անօդաչու թռչող սարքերով և 39 հրթիռներով վերջին հարձակման մասին՝ նշելով, որ հակառակորդը թիրախավորել է Պոլտավայի մարզի գազային ենթակառուցվածքները և Կիևի ու Դնեպրի մարզերի էլեկտրական ենթակայանները, ինչպես նաև այլ թիրախներ: Հակառակորդի հրթիռների մեծ մասը խոցվել է գործընկերների կողմից որոշ հակաօդային պաշտպանության հրթիռների արագ մատակարարման շնորհիվ, հաղորդում է УНН-ը։
«Այսօր գիշերը Ռուսաստանը կրկին կռվում էր կարևորագույն ենթակառուցվածքների և սովորական բնակելի շենքերի դեմ։ Մեր ժողովրդի վրա արձակվել են չորս հարյուր քսան անօդաչու թռչող սարքեր, որոնց մեծ մասը «Շահեդներ» էին, և 39 տարբեր տեսակի հրթիռներ, այդ թվում՝ 11 բալիստիկ հրթիռներ», – նշել է նա սոցիալական ցանցերում։
Նրա խոսքով՝ «ավերածություններ կան ութ շրջաններում. վնասվել են բազմաթիվ մասնավոր և բազմահարկ շենքեր»։ «Այս պահի դրությամբ հայտնի է, որ այս հարձակման հետևանքով վիրավորվել են տասնյակ մարդիկ, այդ թվում՝ երեխաներ»,- նշել է Զելենսկին։
«Հարվածներ են հասցվել նաև Պոլտավայի մարզի գազի ենթակառուցվածքներին, ինչպես նաև Կիևի և Դնեպրի մարզերի էլեկտրական ենթակայաններին։ Փրկարարները աշխատել են Չեռնիգովում, Զապորոժիեում, Խարկովում, Կիրովոգրադում, Վիննիցայում, Կիևի մարզերում և մայրաքաղաքում»,- ասել է նա։
Թարգմանությունը՝ Էմմա Չոբանյանի
