28.07.2026 | 10:57
Զախարովան հայտարարել է, թե ՀԱՊԿ-ի մասնակցությունը ԼՂ հակամարտությանն անհնար էր
«Բուդյո-Գլիմտի» մարզիչ․ Մխիթարյանն այլևս երիտասարդ չէ, բայց նրա խաղի ինտենսիվությունը շատ բարձր է
24.02.2026 | 12:28
Նորվեգական «Բուդյո-Գլիմտի» գլխավոր մարզիչ Կյետիլ Կնուտսենն իտալական «Ինտերի» դեմ Չեմպիոնների լիգայի անցումային փլեյ-օֆֆի պատասխան խաղից առաջ կարծիք է հայտնել Հայաստանի ազգային հավաքականի նախկին կիսապաշտպան Հենրիխ Մխիթարյանի մասին։
«Մենք լավ գիտենք Մխիթարյանին, քանի որ բազմիցս խաղացել ենք նրա դեմ: Նա շատ լավ ու փորձառու ֆուտբոլիստ է: Մխիթարյանն այլևս երիտասարդ չէ, բայց նրա խաղի ինտենսիվությունը շատ բարձր է: Գիտենք նրա ուժեղ կողմերի մասին: Գուցե վաղվա խաղում նա տարբերություն ստեղծի թիմերի միջև, չեմ կարող ասել։ Տեսնենք»,- ասել է մարզիչը՝ պատասխանելով մարզական մեկնաբան Արման Աբելյանի հարցին։
«Ինտերի» ու «Բուդյո-Գլիմտի» պատասխան խաղը կկայանա փետրվարի 24-ին Միլանում ու կմեկնարկի Երևանի ժամանակով կեսգիշերին: Նորվեգիայում կայացած առաջին խաղում «Ինտերը» պարտվել է 1:3 հաշվով:
