16.11.2024 | 18:19
ԵՊՀ-ի բակից մեկնարկել է «Համախմբենք ուժերը՝ կանխենք կոռուպցիան» համապետական արշավը
Սիրիա հայկական կոնտինգենտ գործուղելու մտադրությունը եղել է Ձե՞րը, թե՞ ՌԴ մեր գործընկերներինը․ Արմեն Աշոտյան․ ՏԵՍԱՆՅՈՒԹ
Քաղաքականություն
13.11.2018 | 13:32
Սիրիա հայկական կոնտինգենտ գործուղելու մտադրությունը եղել է Ձե՞րը, թե՞ ՌԴ մեր գործընկերներն են հերթական անգամ խնդրել Հայաստանին. Ազգային ժողովում վարչապետի պաշտոնակատար Նիկոլ Փաշինյանին հարցրեց ՀՀԿ-ական պատգամավոր Արմեն Աշոտյանը։
Ի պատասխան՝ Փաշինյանն ասաց, որ այդ առաքելությունն ունի բացառապես հումանիտար նշանակություն, որի հասցեատերը Սիրիայի հայ համայնքն է, մասնավորապես՝ հալեպահայությունը։
«Նախաձեռնության հետ կապված էլ պետք է ասեմ, որ այդ նպատակը երկար տարիներ ձևակերպվել է թե՛ Սիրիայի հայ համայնքի, թե՛ հայ հանրության, թե՛ ՌԴ-ի կողմից։ Իրականացվել են քննարկումներ այս հարցի շուրջ, որի արդյունքում ծագել է հետևյալ գաղափարը․ քանի որ Սիրիայում գործընթացները փոխվել են, ուստի մենք էլ մեր ներդրումները պետք է ունենանք հալեպահայության համար որոշակի դաշտ ստեղծելու գործում»,-ասաց Փաշինյանը։
Վարչապետի պաշտոնակատարի պատասխանին արձագանքեց Աշոտյանը և նշեց, որ ո՛չ իրեն, ո՛չ հայ հասարակությանը հայտնի և հասանելի չէ Սիրիայի Կառավարության պաշտոնական դիմումը ՀՀ-ին նման առաքելություն իրականացնելու համար։
Մանրամասները՝ տեսանյութում։
