12.10.2026 | 12:19
Հյուսիսային Կորեան բալիստիկ հրթիռներ է արձակել Ճապոնական ծովի ուղղությամբ
Մենք մեր քաղաքացիներին խրախուսելու ենք, որ աշխատեն, իրենց աղքատության և հուսահատության հետ չհամակերպվեն․ Նիկոլ Փաշինյան․ ՏԵՍԱՆՅՈՒԹ
Տնտեսություն
13.11.2018 | 12:38
Մեր Կառավարության քաղաքականությունն է եղել և լինելու է աշխատանքի խրախուսումը, մենք մեր քաղաքացիներին խրախուսելու ենք, որ նրանք աշխատեն, իրենց աղքատության և հուսահատության հետ չհամակերպվեն՝ իհարկե ունենալով Կառավարության աջակցությունն՝ իրենց համար ճանապարհ հարթելու ուղղությամբ։
Այս մասին այսօր Ազգային ժողովում 2019 թվականի բյուջեի նախագծի քննարկման ժամանակ ասաց վարչապետի պաշտոնակատար Նիկոլ Փաշինյանը։
Վերջինս նշեց, որ իրենց իրականացրած քայլերի արդյունքում ՀՀ-ում թոշակ և նպաստ ստացող 85 հազար մարդ 2019 թվականին կստանա այնքան թոշակ և նպաստ, որ մենք համոզված կլինենք, որ իրենք իրենց սնունդը գնելու հնարավորություն կունենան։
Նիկոլ Փաշինյանը նշեց, որ 2019 թվականին պոլիկլինիկաների 14000 աշխատակցի աշխատավարձը ևս կբարձրանա, իսկ եկամտահարկի փոփոխության արդյունքում ավելանալու են ավելի քան 210 հազար քաղաքացու աշխատավարձ։
Վարչապետի պաշտոնակատարը նշեց, որ իրականացված այս միջոցառումները փաստում են, որ Կառավարությունը հավասարաչափ է առաջ գնում ինչպես աշխատանքը խրախուսելու, այնպես էլ սոցիալական երաշխիքներ ստեղծելու համար։
Մանրամասները՝ տեսանյութում։
