22.05.2026 | 22:42
Կբացվի գորգերի թանգարան. բարերար Լևոն Վարթան Դեր Բեդրոսյանը Հայաստանին է նվիրաբերել իր անձնական հավաքածուն
Մնացականյան-Մամեդյարով հաջորդ հանդիպումը, հնարավոր է, տեղի ունենա դեկտեմբերին Միլանում. ԱԳՆ
Քաղաքականություն
13.11.2018 | 11:51
Հայաստանի ԱԳ նախարարի պաշտոնակատար Զոհրաբ Մնացականյանն ու Ադրբեջանի ԱԳ նախարար Էլմար Մամեդյարովը, հնարավոր է, դեկտեմբերի սկզբին հանդիպեն Միլանում: Այս մասին այսօր՝ նոյեմբերի 13-ին տեղի ունեցած ճեպազրույցում նշեց ՀՀ ԱԳՆ խոսնակ Աննա Նաղդալյանը՝ պատասխանելով ԵԱՀԿ նախարարական խորհրդի նիստի շրջանակում նման հանդիպման հնարավորության մասին հարցին:
«ԵԱՀԿ Մինսկի խմբի համանախագահների կողմից եղել է առաջարկ՝ մինչև տարեվերջ՝ ԵԱՀԿ նախարարական խորհրդի նիստի շրջանակում կազմակերպել Հայաստանի և Ադրբեջանի ԱԳ նախարարների հանդիպում: Երբ հստակեցվի այդ հանդիպումը, հանրությունն անպայման կտեղեկացվի»,- նշեց ԱԳՆ խոսնակը:
Նշենք, որ դեկտեմբերի 6-7-ը իտալական Միլանում նախանշված է ԵԱՀԿ նախարարական խորհրդի 25-րդ նիստը, որին մասնակցելու է ՀՀ ԱԳ նախարարի պաշտոնակատար Զոհրաբ Մնացականյանը:
