13.11.2024 | 23:28
Էրդողանը Թրամփի հետ հանդիպման հույս է հայտնել և խոսել Մասկի հետ համագործակցելու ցանկության մասին
Կալիֆոռնիայում անտառային հրդեհների հետևանքով զոհերի թիվը հասել է 44-ի
Քաղաքականություն
13.11.2018 | 11:14
Ամերիկյան Կալիֆոռնիա նահանգում մոլեգնող բնական հրդեհները հանգեցրել են 44 մարդու մահվան: Այս մասին գրում է ՏԱՍՍ-ը՝ վկայակոչելով ABC հեռուստաալիքը:
Մահվան դեպքերի մեծ մասը գրանցվել է նահանգի հյուսիսային՝ Սակրամենտոյից շուրջ 150 կմ հեռավորությամբ գտնվող Բյութ շրջանում: Հրդեհն ավելի քան 450 ք.կմ տարածք է ընդգրկել:
Այսօր՝ նոյեմբերի 13-ին, այս շրջանի երկու քաղաքներում ևս 13 մարդու մարմին են գտել: «Այսօր ևս 13 մարդու մարմին է հայտնաբերվել: Այսպիսով զոհերի ընդհանուր թիվը հասել է 42-ի, ինչի արդյունքում այս հրդեհը դարձել է զոհերի թվով ամենախոշորը Կալիֆոռնիա նահանգի պատմության մեջ»,- մամուլի ասուլիսում հայտնել է շրջանի շերիֆ Քորի Հոնեան:
Նշենք, որ ևս 2 մարդ էլ զոհվել է նահանգի հարավում: Հրդեհների պատճառով Կալիֆոռնիայի մի շարք շրջաններում արտակարգ դրության ռեժիմ է գործում:
ԱՄՆ նախագահ Դոնալդ Թրամփն ավելի վաղ կարգադրել է դաշնային բյուջեից միջոցներ հատկացնել նահանգին՝ տարերքի դեմ պայքարելու համար:
