28.10.2026 | 19:53
Փլուզում՝ Երևանի տներից մեկում․ կան տուժածներ
Կրեմլը հիշեցրել է՝ ՌԴ-ն նախկինում առաջարկել է Իրանից ընդունել հարստացված ուրանը
Քաղաքականություն
18.02.2026 | 17:04
Ռուսաստանը արդեն առաջարկել է Իրանից ընդունել հարստացված ուրանը: Ինտերֆաքսի հաղորդմամբ՝ ՌԴ նախագահի մամուլի քարտուղար Դմիտրի Պեսկովն այսպես է մեկնաբանել տեղեկությունը, որ ԱՄՆ-ի հետ բանակցությունների ընթացքում Իրանն առաջարկել է դադարեցնել ուրանի հարստացումը և իր պաշարների մի մասը փոխանցել Ռուսաստանին։
«Մենք նախաձեռնություն ունեինք. մենք հայտարարել էինք հարստացված ուրանն ընդունելու պատրաստակամության մասին, դրա մասին է խոսքը։ Մնացած ամեն ինչ իրանցիների և ամերիկացիների միջև քննարկման առարկա է, հիմա բանակցություններ են ընթանում։ Դժվար թե մենք իրավունք ունենք նախապես կանխատեսել դրանց արդյունքը»,- ասել է նա։
Միացյալ Նահանգների հետ բանակցությունների ընթացքում Իրանը պատրաստակամություն է հայտնել դադարեցնել ուրանի հարստացումը և իր պաշարների մի մասը փոխանցել երրորդ կողմի, օրինակ՝ Ռուսաստանին: Այս մասին հաղորդել է The Wall Street Journal-ը՝ հղում անելով ամերիկացի և իրանցի դիվանագետների շրջանում աղբյուրներին։ Հրապարակման համաձայն՝ Թեհրանը նաև համաձայնել է մինչև երեք տարի սառեցնել հարստացումը և քննարկել Միացյալ Նահանգների հետ գործնական կապերի հնարավորությունը:
Թարգմանությունը՝ Էմմա Չոբանյանի
