26.11.2024 | 17:45
Տաք քննարկում է եղել, մեկ հարված Հակոբ Ասլանյանի կողմից է եղել. Ռուբեն Մելիքյան․ ՏԵՍԱՆՅՈՒԹ
Օպտիմալացման դեպքում կշտկվի վարձատրության համակարգը․Ատոմ Ջանջուղազյան․ ՏԵՍԱՆՅՈՒԹ
Տնտեսություն
13.11.2018 | 11:44
Ազգային ժողովում այսօր գումարվել է հերթական նիստը, որի օրակարգում է ընդգրկված 2019 թվականի պետական բյուջեի նախագիծը։ ՀՀ ֆինանսների նախարարի պաշտոնակատար Ատոմ Ջանջուղազյանը ներկայացնելով նախագիծը՝ նշեց, որ 2018թ.-ին հաստատված կառավարության ծրագիրն ուներ ավելի հավակնոտ նպատակադրումներ:
«Հիմա էլ կառավարությունը շարունակում է պահպանել մտադրությունները, բայց ներկայացված նախագիծը չէր կարող չարտացոլել երկրում տեղի ունեցած զարգացումները»,- ասաց նախարարի պաշտոնակատարը։
Վերջինս նշեց, որ տնտեսական քաղաքականության վեկտորի հստակ նախանշումը արձանագրված փաստ է, այս բյուջեն ենթադրում է ճյուղային կառուցվածքի փոփոխություն, որի արդյունքում խաղային բնագավառից անցում կկատարվի բարձր տեխնոլոգիաների և արտահանման զարգացման։
Ֆինանսների նախարարի պաշտոնակատարն ասաց, որ նախատեսվում է հարկերի գծով հարկային բեռի ավելացում, բյուջեի վրա ազդեցության չեզոքության ապահովում:
Ատոմ Ջանջուղազյանը խոսեց նաև կառավարման համակարգում օպտիմալացման արդյունքում սպասվող վարձատրության համակարգի շտկման մասին և նշեց։
«Եղած միջոցները բավարար են, որ օպտիմալացման դեպքում կշտկվի վարձատրության համակարգը: Խոսքը մասնավորապես ղեկավար և աշխատակից հարաբերակցության մասին է։ Կառավարման տեսության մեջ հայտնի մեկ ղեկավարին 7-11 աշխատակցի հասցնելու պարագայում հնարավորություն կստեղծվի 20-22 տոկոսի չափով բարելավել աշխատավարձի մակարդակը»։
Մանրամասները՝ տեսանյութում։
