02.07.2026 | 23:29
Կալանավորվել է գնդապետ Էդիկ Մալոյանը
Վատ եմ զգում, որ եկել ենք այս նախագիծը ներկայացնելու. Մարիամ Գալստյան․ ՏԵՍԱՆՅՈՒԹ
Քաղաքականություն
11.02.2026 | 15:33
«Մենք ԱԺ-ի կանոնակարգն այլ կերպ ենք մեկնաբանում, և կարծում ենք, որ այն հանգամանքը, որ ես հիմա այստեղ հարակից զեկուցող եմ, ինքնին մեր կառույցը քաղաքական ինչ-որ քննարկումներում ներքաշելու վտանգ է պարունակում»,- այս մասին Հեռուստատեսության և ռադիոյի հանձնաժողովի անդամ Հակոբ Հակոբյանի լիազորությունների դադարեցման հարցի քննարկման ժամանակ նշեց Կոռուպցիայի կանխարգելման հանձնաժողովի նախագահի պարտականությունները կատարող Մարիամ Գալստյանը՝ ներկայացնելով ԿԿՀ եզրակացությունը վարքագծի կանոնները խախտելու վերաբերյալ։
«Ուստի՝ մենք կարծում էինք, որ հանձնաժողովը այստեղ չպիտի լիներ հարակից զեկուցող։ Մենք, այո՛, կարծում ենք մասնագիտական տեսանկյունից, որ առկա է խախտում, բայց արդյոք խախտման հիման վրա պիտի լիազորություն դադարեցվի, չդադարեցվի և այլն, դա հանձնաժողովին չի առնչվում, և այդտեղ մենք չենք կարող լինել շահագրգիռ անձ: Բայց քանի որ որոշում է կայացվել, և ԱԺ-ի կանոնակարգից էլ որոշ չափով բխում է, որ հանձնաժողովը պետք է լինի զեկուցող, այս դեպքում հարակից զեկուցող, մենք ներկայացել ենք»,-նշեց Գալստյանը:
ԿԿՀ անդամն ասաց՝ վատ է զգում, որ եկել է խորհրդարան այս նախագիծը ներկայացնելու։
Մանրամասները՝ տեսանյութում։
