28.10.2026 | 18:25
Այս որակի փաստաթղթերն անվճար տրամադրվել չեն կարող․ նախարարը՝ կենսաչափական անձնագրերի մասին․ ՏԵՍԱՆՅՈՒԹ
Մեծ թվերի մասին խոսելով՝ Վենսը ցույց է տալիս ԱՄՆ մեծ քաղաքական կամքը․ Փաշինյան. ՏԵՍԱՆՅՈՒԹ
Քաղաքականություն
10.02.2026 | 22:27
ՀՀ վարչապետ Նիկոլ Փաշինյանը ամփոփել է ԱՄՆ փոխնախագահի այցը, որի ընթացքում քննարկվել են խոշոր՝ մոտ 9 միլիարդ դոլարի ներդրումային ծրագրեր։ Վարչապետը նշել է, որ այցի արդյունքները գերազանցել են սպասելիքները՝ ընդգծելով ԱՄՆ փոխնախագահ Ջեյ Դի Վենսի հետ հանդիպման կարևորությունը։
Վարչապետը շեշտել է, որ այս այցը հավասարակշռված արտաքին քաղաքականության վառ դրսևորում է․
«Այցի մթնոլորտը շատ ավելի դրական ստացվեց, քան նույնիսկ սպասում էինք… Միացյալ Նահանգների փոխնախագահի այցը, բնականաբար, Հայաստանը դնում է համաշխարհային ուշադրության կենտրոնում»։
Անդրադառնալով հնչեցված մեծ թվերին՝ Փաշինյանը նշել է․
«Միացյալ Նահանգների փոխնախագահը այդ մեծ թվերի հրապարակումով ցույց է տալիս Միացյալ Նահանգների մեծ քաղաքական կամքը՝ աջակցելու Հայաստանում ներդրումներ իրականացնելուն։ Այդ մեծ թվերը պետք է կոնկրետացվեն և դարձվեն կոնկրետ նախագծեր»։
Վարչապետը առանձնահատուկ ընդգծել է անվտանգային բաղադրիչը․
«Մենք առաջին անգամ Միացյալ Նահանգների հետ պաշտպանության ոլորտում իրականացնում ենք և իրականացնելու ենք համագործակցություն»։
