02.07.2026 | 18:26
Դամասկոսի կենտրոնում սրճարանում պայթյուն է տեղի ունեցել․ զոհեր կան
ԱՄՆ-ն ցանկանում է պատերազմն ավարտել ամռան սկզբին. Զելենսկի
Քաղաքականություն
07.02.2026 | 17:44
Զելենսկին ասել է, որ ամերիկյան կողմը առաջարկել է նոր էներգետիկ զինադադար, որին Ուկրաինան համաձայնել է: Սակայն ռուսական պատվիրակությունը խոստացել է պատասխան տալ ավելի ուշ։
BBC-ի ռուսական ծառայության փոխանցմամբ՝ ԱՄՆ-ն նաև առաջարկել է երկու բանակցային խմբերին՝ Ուկրաինային և Ռուսաստանին, հանդիպել ԱՄՆ-ում։
Նրա խոսքով՝ ենթադրաբար հանդիպումը կկայանա Մայամիում մեկ շաբաթից։ Ուկրաինան արդեն հաստատել է իր մասնակցությունը։
Ավելի վաղ Կրեմլի մամուլի քարտուղար Դմիտրի Պեսկովն ասել էր, որ բանակցությունների նոր փուլը «շուտով» կլինի, սակայն ԱՄՆ-ում դրանց անցկացման մասին խոսք չի եղել:
Զելենսկին խոսել է նաև այն թեմաների մասին, որոնք բանակցությունների ընթացքում դեռևս հնարավոր չէ կարգավորել: Նա կրկին կրկնել է, որ դրանցից «ամենաբարդերը» կարող են ներկայացվել Ուկրաինա-ԱՄՆ-ՌԴ առաջնորդների հնարավոր եռակողմ հանդիպմանը։
Դոնեցկի մարզի հարցում, որը Ռուսաստանը պահանջում է ամբողջությամբ տալ իրեն, Զելենսկին ասել է, որ Ուկրաինան պնդում է հրադադարի համար «կանգնած ենք, որտեղ կանգնած ենք» սկզբունքը:
«Ուկրաինան ևս մեկ անգամ հաստատել է իր դիրքորոշումը Դոնբասի հարցում։ «Մենք կանգնած ենք այնտեղ, որտեղ կանգնած ենք։ Մեր կարծիքով՝ այսօր հրադադարի համար ամենաարդար և ամենահուսալի մոդելն է»,- նշել է Զելենսկին։
Նրա խոսքով՝ ԱՄՆ-ն փոխզիջում է առաջարկում՝ Դոնբասում ազատ տնտեսական գոտու ստեղծում, ինչից ոչ Ուկրաինան, ոչ Ռուսաստանը հիացած չեն։
