10.09.2026 | 19:43
Արմաշի նախկին զորանոցի տարածքը հետ են վերցնում Ջրային կոմիտեից․ «Արարատ» ՋՕԸ-ն այն չի օգտագործել
3.4 մլրդ դրամի ներդրում, նոր աշխատատեղեր. Գևորգ Պապոյանն այցելել է կաթնամթերքի գործարան
Տնտեսություն
07.02.2026 | 13:21
ՀՀ էկոնոմիկայի նախարարությունից հայտնում են, որ նախարար Գևորգ Պապոյանը Տավուշի մարզում այցելել է «Դիլի» կաթնամթերքի գործարան:
Ընկերությունը նախատեսում է ստեղծել խոշոր անասնաբուծական համալիր, որը նախատեսված կլինի 600 գլուխ խոշոր եղջերավոր կենդանիների համար։ Պետության կողմից իրականացվող տավարաբուծության զարգացման ծրագրի շրջանակներում ընկերությունն արդեն իսկ ձեռք է բերել 231 գլուխ հոլշտին ցեղի տոհմային խոշոր եղջերավոր կենդանի։
Պետական մեկ այլ ծրագրի շրջանակներում ընկերության կողմից նախատեսվում է անասնաբուծության ոլորտում իրականացնել 3․4 մլրդ ՀՀ դրամի չափով ներդրում։
««Դիլի» ընկերությունն օգտվել է պետական օժանդակության այլ ծրագրերից ևս, մասնավորապես՝ «ՀՀ-ում ագրոպարենային ոլորտի սարքավորումների լիզինգի աջակցության» ծրագրով ձեռք է բերել 81,9 մլն դրամի 9 միավոր սարքավորում, որի դիմաց տրամադրված սուբսիդավորման գումարը 2025 թվականի դեկտեմբերի 30-ի դրությամբ կազմել է 31,6 մլն դրամ։ «ՀՀ-ում գյուղատնտեսական տեխնիկայի լիզինգի աջակցության» ծրագրի շրջանակում ձեռք է բերվել 8 միավոր գյուղատնտեսական տեխնիկա, այդ թվում 3 միավոր տրակտոր։ Լիզինգի գումարը կազմել է շուրջ 50 մլն դրամ»,-ասված է հաղորդագրությունում։
Ընկերությունն ունի մոտ 70 աշխատակից, որոնց թիվը նախատեսվում է կրկնապատկել։ Արտադրամասերը հագեցած են ժամանակակից տեխնոլոգիաներով։
Էկոնոմիկայի նախարար Գևորգ Պապոյանի այցին մասնակցել են նաև Տավուշի մարզպետ Հայկ Ղալումյանը և Դիլիջան համայնքի ղեկավար Դավիթ Սարգսյանը։
