03.08.2026 | 15:37
Ուելսի ֆուտբոլային ասոցիացիան առաջինն է դեմ արտահայտվել ՖԻՖԱ-ի նախագահի վերընտրմանը
Թուրքիայի ամենամեծ նավթավերամշակման գործարանում պայթյուն է տեղի ունեցել. ՏԵՍԱՆՅՈՒԹ
Քաղաքականություն
30.01.2026 | 11:25
Թուրքիայի ամենամեծ նավթավերամշակման գործարանում հինգշաբթի երեկոյան տեղի ունեցած պայթյունը խոշոր հրդեհի պատճառ է դարձել, ինչի հետևանքով աշխատակիցները տարհանվել են, արտակարգ իրավիճակների ծառայությունների խմբերը պայքարում են Քոջաելի նահանգում գտնվող գործարանում բռնկված հրդեհի դեմ, գրում է Turkiye today-ը։
Պայթյունը տեղի է ունեցել TUPRAS Izmit Rafinerisi-ի բենզինի պահուստարանում երեկոյան ժամերին՝ արագորեն տարածվելով և վերածվելով խոշոր հրդեհի, որը խուճապ է առաջացրել ընդարձակ արդյունաբերական համալիրում։
Պայթյունի պատճառը դեռևս անհայտ է։ Իշխանությունները տեղեկություններ չեն հրապարակել հնարավոր զոհերի կամ օբյեկտին հասցված վնասի չափի մասին։
Իզմիթի նավթավերամշակման գործարանը մշակում է համաշխարհային շուկաներից լցանավերով մատակարարվող ներմուծված հում նավթը։ Գործարանն ունի 1923 աշխատակից և 3,03 միլիոն տոննա պահեստավորման հզորություն։
Թարգմանությունը՝ Էմմա Չոբանյանի
