ԵՄ-ն Իրանի հեղափոխության պահապանների կորպուսն ահաբեկչական կազմակերպություն է ճանաչել

Լուրեր

21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
21.11.2026 | 14:07
Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը
21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
Բոլորը

Եվրամիությունը Իրանի Իսլամական հեղափոխության պահապանների կորպուսը (ԻՀՊԿ) ճանաչել է որպես ահաբեկչական կազմակերպություն: Բրյուսելում ԵՄ արտաքին գործերի նախարարների հանդիպման ժամանակ կայացված որոշումը Թեհրանի դեմ նոր պատժամիջոցների փաթեթի հիմնական տարրն է: Այս քայլը մեծացնում է քաղաքական ճնշումը Թեհրանի վրա և ընդլայնում Եվրոպայում ԻՀՊԿ-ի հետ կապված կազմակերպություններին հետապնդելու իրավական ուղիները, նշում է The Insider-ը։

Միաժամանակ, Եվրամիությունը հաստատել է Իրանի դեմ լրացուցիչ սահմանափակող միջոցառումներ: Պատժամիջոցներ կիրառվել են շուրջ 30 անհատների և կազմակերպությունների նկատմամբ, որոնք, ըստ ԵՄ-ի, ներգրավված էին ներքին բռնաճնշումների և Ուկրաինայում պատերազմի աջակցության մեջ: Նրանց ակտիվները ԵՄ երկրներում կսառեցվեն, ԵՄ քաղաքացիներին և ընկերություններին կարգելվի նրանց ֆինանսավորում տրամադրել, մուտքի արգելքներ կսահմանվեն, իսկ արտահանման սահմանափակումները կընդլայնվեն։

Իսլամական հեղափոխության պահապանների կորպուսն ահաբեկչական կազմակերպություն ճանաչելու որոշումը հնարավոր դարձավ այն բանից հետո, երբ Ֆրանսիան փոխեց իր դիրքորոշումը և աջակցեց այդ քայլին: Նախկինում Փարիզը դեմ էր դրան՝ վախենալով գործող պատժամիջոցների կրկնությունից և իրանական բանտերում պահվող Ֆրանսիայի քաղաքացիների համար հնարավոր հետևանքներից:

Գերմանիայի արտաքին գործերի նախարար Յոհան Վադեֆուլը ԻՀՊԿ-ի ընդգրկումը ահաբեկչական կազմակերպությունների ցուցակում անվանեց «անհապաղ անհրաժեշտություն»՝ նշելով, որ Իրանի ղեկավարությունը պատասխանատու է զանգվածային խոշտանգումների, մահապատիժների և բողոքի ցույցերի ճնշման համար: ԵՄ արտաքին գործերի  բարձր  ներկայացուցիչ Կայա Կալլասը հաստատել է, որ ԵՄ երկրների միջև համաձայնություն է ձեռք բերվել՝ նշելով, որ Թեհրանի հետ դիվանագիտական ​​ուղիները կմնան բաց։

ԵՄ-ի խստացման քաղաքականությունը պայմանավորված էր Իրանում վերջին բողոքի ցույցերից հետո տեղի ունեցած զանգվածային բռնաճնշումներով։ Մարդու իրավունքների պաշտպանների տվյալներով՝ զոհերի թիվը հասնում է հազարների, որոշ եվրոպացի նախարարներ նշում են մինչև 30,000-ի։ Տասնյակ հազարավոր մարդիկ ձերբակալվել են, ինչպես նաև հաղորդվել է ինտերնետի և կապի լայնածավալ անջատումների մասին։

Թարգմանությունը՝ Էմմա Չոբանյանի