26.01.2026 | 23:31
Արտերկրում բնակվող ևս մեկ ադրբեջանցի բլոգեր Բաքվի դատարանի կողմից ազատազրկման է դատապարտվել
Արտերկրում բնակվող ևս մեկ ադրբեջանցի բլոգեր Բաքվի դատարանի կողմից ազատազրկման է դատապարտվել
Քաղաքականություն
26.01.2026 | 23:31
Բաքվի ծանր հանցագործությունների դատարանում հունվարի 26-ին տեղի է ունեցել արտերկրում բնակվող ադրբեջանցի բլոգեր Մուրադ Գուլիևի դեմ հարուցված քրեական գործով վերջին դատական նիստը։ Դատավարությունը նախագահել է դատավոր Մահիրա Քարիմովան։
Գուլիևը հեռակա կարգով դատապարտվել է 6 տարվա ազատազրկման։ Բլոգերը մեղադրվում է Քրեական օրենսգրքի 281.1 հոդվածով (իշխանության բռնի զավթում)։
Վերջին տարիներին քրեական գործեր են հարուցվել Ադրբեջանում արտասահմանում բնակվող մի շարք բլոգերների և ակտիվիստների դեմ, որոնք դատապարտվել են հեռակա կալանքի և ազատազրկման։ Պաշտոնական մեղադրանքները ներառում են պետական պաշտոնյայի օրինական պահանջներին չենթարկվելը, զանգվածային անկարգություններ և բռնություն հրահրելը, ահաբեկչության, զինված ապստամբության հրահրումը և խարդախությունը։
Ադրբեջանի իշխանությունները 2025 թվականին քրեական գործեր են հարուցել արտասահմանում բնակվող իրենց 24 քննադատների դեմ։ Տեղական դատարաններն արդեն իսկ հեռակա դատավճիռներ են կայացրել նրանցից մի քանիսի դեմ։
Եվրախորհրդարանը, անցյալ տարվա դեկտեմբերի 18-ին Ադրբեջանի դեմ պատժամիջոցներ կիրառելու կոչ անող բանաձևում, նշել էր, որ իշխանությունները քրեական գործեր են հարուցել իրենց քննադատների դեմ քաղաքական պատճառներով։
Թարգմանությունը՝ Էմմա Չոբանյանի
