28.07.2026 | 16:45
Թրամփը սիրում է հաղթողներին․ նրա կարծիքով՝ Զելենսկին ավելի ու ավելի է նմանվում նրանցից մեկին․ WSJ
Թալիբներն ԱՄՆ-ին առաջարկել են ազատ արձակել ձերբակալված ամերիկացիներին՝ բեն Լադենի թարգմանչի դիմաց. NYT
26.01.2026 | 20:20
Ամերիկացի և աֆղան դիվանագետները մի քանի ամիս բանակցություններ են վարել Աֆղանստանում ձերբակալված ԱՄՆ քաղաքացիների ազատ արձակման համար: Թալիբանը ներկայում պնդում է համաձայնագրի հարցում, ըստ որի՝ ԱՄՆ իշխանությունները կազատեն Մուհամմադ Ռահիմին, որին ԱՄՆ-ում մեղադրում են Ուսամա բեն Լադենի համար որպես թարգմանիչ և սուրհանդակ աշխատելու համար, հաղորդում է New York Times-ը՝ հղում անելով աղբյուրներին, փոխանցում է The Insider-ը։
Նշվում է, որ անցյալ տարվա ընթացքում Աֆղանստանի իշխանություններն ազատ են արձակել առնվազն 5 ամերիկացի բանտարկյալների, սակայն մնացած կալանավորների ճակատագրի շուրջ բանակցությունները փակուղի են մտել: Քաբուլը պնդում է, որ հետագա ցանկացած համաձայնագիր պետք է ներառի Մուհամմադ Ռահիմի ազատ արձակումը, որը ներկայում պահվում է Գուանտանամոյի ծոցում:
NYT-ը հաղորդում է, որ սա առաջին հայտնի դեպքն է, երբ թալիբները նման պահանջներ են ներկայացնում:
«Մենք ցանկանում ենք ազատ արձակել ևս երկու ամերիկացի բանտարկյալների, միևնույն ժամանակ, պետք է պարզվի Գուանտանամոյում գտնվող մեր բանտարկյալի ճակատագիրը։ Նա պետք է ազատ արձակվի»,- հայտարարել է Թալիբանի խոսնակ Զաբիուլլահ Մուջահիդին։
Աֆղանստանում կալանքի տակ են մնում առնվազն երեք ԱՄՆ քաղաքացիներ։ Թալիբներն ընդունել են նրանցից երկուսին պահելու փաստը՝ Դենիս Ուոլթեր Քոյլին, որն անցյալ տարվա հունվարից կալանքի տակ է, և Պոլինեզիս Ջեքսոնին, որն ԱՄՆ բանակի նախկին զինծառայող է։ Աֆղանստանում ձերբակալված մեկ այլ ամերիկացի քաղաքացի է Մահմուդ Հաբիբին։ ՀԴԲ-ի տվյալներով՝ նա ձերբակալվել է 2022 թվականին, այն բանից կարճ ժամանակ անց, երբ ԿՀՎ-ն Քաբուլում սպանեց «Ալ-Քաիդա»-ի առաջնորդ Այման ալ-Զավահիրիին։ Սակայն աֆղան պաշտոնյաները պնդում են, որ չգիտեն նրա գտնվելու վայրը։
NYT-ի հետ զրույցում ԱՄՆ բարձրաստիճան պաշտոնյան հերքել է Մուհամմադ Ռահիմի խնդրի ներառման հնարավորությունը ապագա գործարքում: ԱՄՆ Պետքարտուղարությունը պահանջել է, որ Թալիբանն ազատ արձակի բոլոր ձերբակալված ամերիկացի քաղաքացիներին և դադարեցնի «պատանդների դիվանագիտությունը»:
Աֆղանստանի արտաքին գործերի նախարարությունը հերքել է մեղադրանքները, որ երկրում ամերիկացի քաղաքացիներ են ձերբակալվում ապագա գործարքների համար։
Մուհամմադ Ռահիմը Գուանտանամոյի բանտում պահվողԱֆղանստանի վերջին քաղաքացին է: Նա այնտեղ է 2008 թվականից: ԱՄՆ կառավարությունն այն ժամանակ պնդում էր, որ Ռահիմը «Ալ-Քաիդա»-ի բարձրաստիճան անդամ է, չնայած նրան նաև անվանել են Ուսամա բեն Լադենի ենթադրյալ սուրհանդակ և թարգմանիչ: Դրա պատճառով, ինչպես նախկինում նշել էր NYT-ը, կարծում էին, որ ազատ արձակվելու դեպքում նա սպառնալիք չի ներկայացնի Միացյալ Նահանգների համար:
Թարգմանությունը՝ Էմմա Չոբանյանի
