Ինչպիսի՞ եղանակ է սպասվում հանրապետությունում․ ՓԾ-ն ներկայացնում է առաջիկա օրերի եղանակային կանխատեսումները։
Հունվարի 27-ին Շիրակի դաշտի ցածրադիր հատվածներում, Արագածոտնի նախալեռներում, Արարատյան դաշտում այդ թվում նաև Երևանում սպասվում է մառախուղ։ Հունվարի 27-ի գիշերը և առավոտյան ժամերին հանրապետության ավտոճանապարհներին սպասվում է մերկասառույց։
Հանրապետության տարածքում`
Հունվարի 27-31-ը սպասվում է առանց տեղումների եղանակ։ Հունվարի 26-ի ցերեկը, 27-28-ը Շիրակի դաշտի ցածրադիր հատվածներում, Արագածոտնի և Կոտայքի նախալեռներում, Արարատյան դաշտում սպասվում է մառախուղ։
Քամին` հարավարևմտյան` 2-5 մ/վ:
Օդի ջերմաստիճանը հունվարի 27-ի ցերեկը Լոռիում, Տավուշում և Սյունիքում կնվազի 4-6 աստիճանով, հունվարի 28-31-ը ցերեկային ժամերին աստիճանաբար նույնքան կբարձրանա:
Երևան քաղաքում`
Հունվարի 27-31-ը սպասվում է առանց տեղումների եղանակ: Հունվարի 26-ի ցերեկը, 27-28-ը սպասվում է մառախուղ։
