22.01.2026 | 19:31
«Հանրապետություն» կուսակցությունը մասնակցելու է խորհրդարանական ընտրություններին
Ֆրանսիայում ՀՀ դեսպանը մասնակցել է «Հայոց լինելիությունը․ պատմություն, մշակույթ և հումանիտար գիտություններ» խորագրով ներկայացում-քննարկմանը
Քաղաքականություն
22.01.2026 | 16:10
Ֆրանսիայում ՀՀ դեսպանությունից հայտնում են, որ դեսպան Արման Խաչատրյանը մասնակցել է Փարիզի 9-րդ շրջանի քաղաքապետարանում կազմակերպված ներկայացում-քննարկմանը։
«Միջոցառումը կազմակերպվել է Psychologie clinique գիտական հանդեսի հատուկ համարի հրապարակման շրջանակում՝ «Հայոց լինելիությունը․ պատմություն, մշակույթ և հումանիտար գիտություններ» խորագրով։ Հատուկ համարը նվիրված է Հայաստանի պատմությանը և հակամարտությունների ազդեցությանը հասարակության տարբեր շերտերի վրա։ Համարի խմբագիրներն են Պատրիկ Ալեսյանը և Անահիտ Դասսյո Տեր Մեսրոպյանը։
Բացման խոսքով հանդես են եկել դեսպան Արման Խաչատրյանը և Փարիզի 9-րդ շրջանի քաղաքապետ տիկին Դելֆին Բյուրկլին։
Քննարկմանը մասնակցել են տարբեր ոլորտների ճանաչված մասնագետներ՝ պատմության, սոցիոլոգիայի, հոգեբանության, հոգեվերլուծության, արվեստի և մշակույթի բնագավառներից՝ ապահովելով ներկայացված թեմաների բազմադիսցիպլինար և համակողմանի դիտարկում»,- ասված է հաղորդագրությունում։
