22.01.2026 | 18:04
«Լիդիան Արմենիա»-ն նոր բաժնետեր ունի
«Մանչեսթեր Սիթիի» ֆուտբոլիստները երկրպագուներին կվերադարձնեն «Բուդյո-Գլիմտի» դեմ խաղի տոմսերի գումարները
22.01.2026 | 14:46
Անգլիական «Մանչեսթեր Սիթիի» ֆուտբոլիստները շուրջ 10 հազար ֆունտ ստերլինգ են հավաքել, որպեսզի վճարեն նորվեգական «Բուդյո-Գլիմտի» դեմ Չեմպիոնների լիգայի 7-րդ տուրի խաղում երկրպագուների գնած տոմսերի գումարները, հաղորդում է Manchester Evening News-ը։
«Մանչեսթեր Սիթիի» ավագ Բերնարդու Սիլվան, առանցքային ֆուտբոլիստներից Էրլինգ Հոլանդը, Ռուբեն Դիաշը և Ռոդրին հանդես են եկել համատեղ հայտարարությամբ և երկրպագուներին շնորհակալություն հայտնել աջակցության համար։ Ֆուտբոլիստները երկրպագուներին 9357 ֆունտ ստերլինգ փոխհատուցում կվճարեն նորվեգական Բուդե մեկնելու համար։
Հիշեցնենք, որ Նորվեգիայում կայացած խաղում Խոսեպ Գվարդիոլայի գլխավորած թիմը պարտվել էր 1։3 հաշվով։ Չեմպիոնների լիգայում «Մանչեսթեր Սիթին» 7 խաղից հետո 13 միավորով 11-րդ տեղում է։
