«Հայֆիլմ»-ը փորձում են վերագործարկել․ նախարարությունը մտադիր է ձեռք բերել բաժնետոմսերը

Լուրեր

21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
Բոլորը

ՀՀ կրթության, գիտության, մշակույթի և սպորտի նախարարությունն առաջարկում է կյանքի կոչել «Համո Բեկնազարյանի անվան «Հայֆիլմ» կինոստուդիա»-ի վերագործարկման ծրագիրը։ Հանրային քննարկման է ներկայացվել «Հայֆիլմ» փակ բաժնետիրական ընկերության պետական սեփականություն հանդիսացող բաժնետոմսերի կառավարման լիազորությունները ՀՀ կրթության, գիտության, մշակույթի և սպորտի նախարարությանը վերապահելու մասին Կառավարության որոշումը:

Հիմնավորման մեջ նշվում է, որ կինոարդյունաբերական այս բազմաֆունկցիոնալ կառույցը գրեթե մեկ տասնամյակ չի գործում՝ պահպանելով կայուն անկման իրավիճակ:

«Այն գործելու է որպես ռազմավարության և քաղաքականության իրականացման հիմնական գործիք՝ միտված կենտրոնացված կինոարդյունաբերական քաղաքի ձևավորմանը: Համալիրը կներառի ֆիլմարտադրության, հետարտադրության, մասնագիտական կրթության և կինոժառանգության պահպանության ծառայություններ՝ միավորելով ստեղծարար ներուժի զարգացումն ու ենթակառուցվածքային հզորացումը»,- գրված է նախագծի հիմնավորման մեջ։

«Հայֆիլմ» փակ բաժնետիրական ընկերությունը 2015 թվականից Պետական գույքի կառավարման կոմիտեի ենթակայության տակ է։ Որոշումն ուժի մեջ մտնելուց հետո կոմիտեն պետք է մեկամսյա ժամկետում իրականացնի բաժնետոմսերի հանձնման-ընդունման աշխատանքները։

Հիմնավորման մեջ նաև ընդգծվում է, որ «Հայֆիլմ»-ի բաժնետոմսերը նախարարությանը վերապահելու անհրաժեշտությունը առաջացել է վերջին տարիներին կինոոլորտում միջազգային համագործակցության ակնհայտ աճողականությամբ պայմանավորված։

Նախատեսվում է, որ այս ամենի արդյունքում հնարավոր կլինի իրականացնել «Հայֆիլմ կինոարտադրական քաղաք»-ի մասշտաբային ծրագիրը՝ ապահովելով ՀՀ
պետական սեփականություն հանդիսացող ռեսուրսների օգտագործման արդյունավետությունը՝ ստեղծելով արդի պահանջներին համապատասխան կինոարդյունաբերական ենթակառուցվածք:

«Հայֆիլմ»-ը հայկական գեղարվեստական ֆիլմերի կինոստուդիա է, որը հիմնադրվել է 1923 թվականին։ Հայաստանի անկախացումից հետո կինոստուդիայի գործունեությունն էապես նվազել է, իսկ 2005 թվականին այն վաճառվել է մասնավոր ընկերության, որ պարտավորվել էր մեծ ներդրումներ անել, ինչն այդպես էլ չիրականացվեց։

2015 թվականին ստուդիայի 100% բաժնետոմսերը վերադարձան պետությանը, քանի որ մասնավոր ընկերությունը պայմանագրային պարտականությունները չէր կատարում։

Անի Թամրազյան