21.01.2026 | 19:27
Գլուխը պատին է տալիս նա, ով տենց բան է ասում․ դուրս չտա՛ք․ Փաշինյանն՝ Աննա Գրիգորյանին. ՏԵՍԱՆՅՈՒԹ
Գրենլանդիայի հարցում անհամաձայնությունների պատճառով Դավոսում Ուկրաինայի վերականգնման ծրագրի ստորագրումը հետաձգվել է. FT
Քաղաքականություն
21.01.2026 | 16:22
Բրիտանական Financial Times պարբերականը, հղում անելով վեց աղբյուրների, հաղորդում է, որ Ուկրաինայի, Եվրոպայի և Միացյալ Նահանգների միջև այս շաբաթ Դավոսում կայանալիք Համաշխարհային տնտեսական ֆորումում նախատեսված 800 միլիարդ դոլարի Ուկրաինայի վերականգնման ծրագրի մասին հայտարարությունը հետաձգվել է։ Սա տեղի է ունեցել Գրենլանդիայի և Թրամփի առաջարկած, այսպես կոչված, Խաղաղության խորհրդի շուրջ եվրոպական մայրաքաղաքների և Վաշինգտոնի միջև առկա անհամաձայնությունների ֆոնին, գրում է BBC-ի ռուսական ծառայությունը։
Աղբյուրներից մեկի համաձայն՝ եվրոպական մայրաքաղաքները չեն կարող պարզապես անտեսել ԱՄՆ նախագահի գործողությունները Գրենլանդիայի վերաբերյալ՝ միաժամանակ փորձելով առաջ մղել այլ հարցեր, ինչպիսին է Ուկրաինան։
Փաստաթղթի շուրջ քննարկումներին ծանոթ երեք աղբյուրներ FT-ին հայտնել են, որ ազգային անվտանգության բարձրաստիճան պաշտոնյաները պետք է քննարկեին այն երկուշաբթի, սակայն ԱՄՆ ներկայացուցիչը չի ժամանել բանակցություններին։
Ուկրաինայի նախագահ Վլադիմիր Զելենսկիին մոտ կանգնած երկու աղբյուրներ ասել են, որ նա հրաժարվել է մեկնել Դավոս, եթե չերաշխավորեն Թրամփի հետ բովանդակալից հանդիպում, որտեղ կստորագրվի Ուկրաինայի վերականգնման ծրագիրը։
Թարգմանությունը՝ Էմմա Չոբանյանի
