19.01.2026 | 20:30
Քնում են մեքենայում, սպասում օրերով․ հայկական բազմաթիվ բեռնատարներ մնում են Վրաստանի և ՌԴ տարածքում. ՏԵՍԱՆՅՈՒԹ
Ինչ է կողակցի սեփականության իրավունքը, և ամուսիններից մեկի մահից հետո ում կմնա գույքը․ ՏԵՍԱՆՅՈՒԹ
Հասարակություն
19.01.2026 | 14:18
Կադաստրի կոմիտեն առաջարկում է ներդնել նոր իրավական ինստիտուտ՝ «կողակցի սեփականության իրավունք», որը նպատակ ունի լուծել ամուսինների համատեղ գույքի ժառանգման ժամանակ առաջացող սոցիալական խնդիրները։
Ներկայում գործող օրենսդրությամբ ամուսնության ընթացքում ձեռք բերված գույքը համարվում է ամուսինների ընդհանուր համատեղ սեփականություն։ Ամուսիններից մեկի մահվան դեպքում այդ գույքը ներառվում է մահացածի ժառանգական զանգվածում, ինչի հետևանքով կենդանի մնացած ամուսինը ստիպված է գույքը բաժանել մյուս օրինական ժառանգների՝ երեխաների, ծնողների կամ այլ անձանց հետ։
«Արդյունքում համատեղ կյանքի ընթացքում ձեռք բերված գույքի նկատմամբ ի հայտ են գալիս նոր իրավատերեր, ինչը հաճախ բարդություններ է ստեղծում կենդանի մնացած ամուսնու համար՝ հատկապես բնակվելու և գույքը տնօրինելու հարցում»,- ասաց Կադաստրի կոմիտեի նախագահ Սուրեն Թովմասյանը։
Կադաստրի կոմիտեի առաջարկած նոր մեխանիզմը նախատեսում է, որ ամուսինները գույքը ձեռք բերելու պահին կարող են դիմել հատուկ իրավունքի գրանցման, որը կոչվում է «կողակցի իրավունք»։ Ըստ դրա՝ կենդանի մնացած ամուսինը կկարողանա առանց խոչընդոտների ապրել տվյալ գույքում և օգտվել դրանից մինչև իր կյանքի ավարտը։ Միայն դրանից հետո գույքը ամբողջ ծավալով կբաշխվի նոր ժառանգների միջև՝ գործող ժառանգական կարգով։
Մանրամասները՝ տեսանյութում։
