17.12.2025 | 13:25
FIFA The Best. Մեսիի ընտրությունը, Ռոնալդուն դարձյալ չի քվեարկել
Եթե գազի գինն իջեցվի, կտանի համակարգի քայքայման. «Գազպրոպ Արմենիա»-ի տնօրեն Հրանտ Թադևոսյան․ ՏԵՍԱՆՅՈՒԹ
Տնտեսություն
08.11.2018 | 14:31
Եթե գազի գինն իջեցվի, կտանի համակարգի քայքայման: Այսօր՝ նոյեմբերի 8-ին ՀՀ Ազգային ժողովում Քննիչ հանձնաժողովի նիստից հետո լրագրողների հետ զրույցում այս մասին ասաց «Գազպրոպ Արմենիա»-ի գլխավոր տնօրեն Հրանտ Թադևոսյանը:
«Ես բոլոր թվերը ներկայացրեցի հանձնաժողովին: Եկեք այսօր եզրակացություն չանենք: Ես ներկայացրեցի նաև, որ «Գազպրոպ Արմենիա»-ում կան խնդիրներ՝ թե՛ ֆինանսական, թե՛ տեխնիկական, որոնք լուծելու կարիք կա»,- ասաց Հրանտ Թադևոսյանը:
Ընկերության ղեկավարը հրաժարվեց պատասխանել հարցին՝ հնարավո՞ր է, արդյոք, հաջորդ տարվա համար գազի սակագինը բարձրանա. «Թույլ տվեք չպատասխանել, քանի դեռ բանակցություններն ավարտված չեն: Գազի սակագինը բաղկացած է ներկրման գնից և «Գազպրոպ Արմենիա»-ի մարժայից: Երկու հարցի վերաբերյալ էլ քննարկումները գնում են»:
Հրանտ Թադևոսյանի խոսքով՝ դեռ մի շարք խնդիրներ կան լուծելու՝ կապված Վրաստանի տարածքով տարանցման, ներկրման գնի, սակագնի ձևավորման հիմնավորվածության և այլնի հետ:
Մանրամասները՝ տեսանյութում
