30.10.2026 | 14:36
Պենտագոնը Բալթյան երկրներին խնդրում է մեղմել ՌԴ-ից սպառնալիքի վերաբերյալ հռետորաբանությունը․ Reuters
«Ռոսատոմ»-ի ձեռնարկության տնօրենը ձերբակալվել է՝ Ուկրաինայի զինված ուժերին ֆինանսավորելու կասկածանքով
Քաղաքականություն
16.01.2026 | 18:16
«Ռոսատոմ»-ի մաս կազմող «Ատոմստրոյէքսպորտ» ձեռնարկության կապիտալ շինարարության գծով տնօրեն Միխայիլ Շչերբակը ձերբակալվել է Ուկրաինայի զինված ուժերին ֆինանսավորելու կասկածանքով: Նրա ձերբակալությունը հաստատել է կորպորացիայի մամուլի ծառայությունը, գրում է The Insider-ը:
Ըստ լրատվամիջոցների հաղորդագրությունների՝ Շչերբակը կասկածվում է Ուկրաինայի զինված ուժերին ֆինանսավորելու մեջ: Ենթադրյալ մեղադրանքների վերաբերյալ այլ մանրամասներ չեն հաղորդվում։
Մինչև 2007 թվականը Շչերբակը զբաղեցրել է Սարովի քաղաքային վարչակազմի (Նիժնի Նովգորոդի մարզի քաղաք) ճարտարապետության և քաղաքաշինության գծով տեղակալի պաշտոնը: Ավելի ուշ նա տեղափոխվել է Նիժնի Նովգորոդի «Ատոմէներգոպրոեկտ», որտեղ, այլ պարտականությունների շարքում, պատասխանատու էր ատոմակայանների շինարարության կազմակերպման համար։
«Ատոմստրոյէքսպորտ»-ի «Ռոսատոմ» պետական կորպորացիայի ինժեներական ստորաբաժանման կառավարիչ ընկերությունն է: Այն մասնագիտանում է Ռուսաստանում և արտերկրում ատոմակայանների կառուցման ու սպասարկման մեջ: Դրա նախագծերի թվում են ատոմակայանները Չինաստանում, Հնդկաստանում, Իրանում և Հունգարիայում:
Թարգմանությունը՝ Էմմա Չոբանյանի
