09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Կրկնակի օլիմպիական չեմպիոն Աբդուլռաշիդ Սադուլաևը պայմանագիր է կնքել RAF-ի հետ
16.01.2026 | 13:10
Ազատ ոճի ըմբշամարտի կրկնակի օլիմպիական չեմպիոն, աշխարհի 6-ակի և Եվրոպայի քառակի չեմպիոն Աբդուլռաշիդ Սադուլաևը պայմանագիր է կնքել RAF Wrestling (Real American Freestyle) լիգայի հետ, հաղորդում է կազմակերպության մամուլի ծառայությունը։
«Կա միայն մեկ տուն ազատ ոճի լավագույն ըմբիշների համար, և դա RAF-ն է։ Աբդուլռաշիդ Սադուլաևը պայմանագիր է կնքել մեր կազմակերպության հետ։ Մեզ համար մեծ պատիվ է ողջունել պատմության մեջ մեծագույն ըմբիշներից մեկին»,- նշված է RAF-ի հայտարարության մեջ։
RAF-ն ազատ ոճի ըմբշամարտի պրոֆեսիոնալ լիգա է, որը մրցաշարեր է անցկացնում ԱՄՆ-ում։ Վերջերս RAF 05-ին մասնակցել էր նաև UFC-ի թեթև քաշային կարգի դասակարգման առաջատար Արման Ծառուկյանը, որը 10։0 հաշվով հաղթել էր ամերիկացի Լենս Փալմերին։ RAF 06-ը կայանալու է փետրվարի 28-ին Արիզոնայում։
