13.11.2024 | 23:28
Էրդողանը Թրամփի հետ հանդիպման հույս է հայտնել և խոսել Մասկի հետ համագործակցելու ցանկության մասին
Ինդոնեզական Lion Air-ի ևս մեկ օդանավ է վթարի ենթարկվել. ինքնաթիռում 145 ուղևոր է եղել
Քաղաքականություն
08.11.2018 | 13:48
Ինդոնեզական Lion Air ավիաընկերության ևս մեկ օդանավ է վթարի ենթարկվել: 145 ուղևորի փոխադրող ինքնաթիռի թևը Սումատրայի օդանավակայանում բախվել է լուսավորության սյանը: Այս մասին գրում է «Կոմերսանտ»-ը՝ վկայակոչելով Jakarta Post պարբերականը:
Սումատրա-Թանգերանգ չվերթն իրականացնող օդանավի ուղևորները չեն տուժել: Թռիչքը չեղարկվել է, իսկ օդաչուներին ժամանակավորապես արգելել են չվերթներ իրականացնել՝ մինչև հետաքննության ավարտը: Lion Air-ի ներկայացուցիչն ասել է, որ միջադեպի պատճառը կարգավարներից օդաչուների ստացած սխալ հրահանգներն են:
Հիշեցնենք, որ հոկտեմբերի 29-ին նույն ավիաընկերության Boeing 737 MAX օդանավի կործանման հետևանքով 189 մարդ է զոհվել՝ ուղևորներն ու անձնակազմի անդամները: «Սև արկղի» տվյալների համաձայն՝ ցուցիչներում անսարքություն է եղել:
ԱՄՆ Քաղաքացիական ավիացիայի դաշնային վարչության տարածած հայտարարության համաձայն՝ Boeing 737 MAX-ի ցուցիչների հետ կապված խնդիրը կարող է ամբողջ աշխարհում շահագործվող 246 օդանավի առնչվել, գրում է ՌԻԱ Նովոստին:
