29.10.2026 | 20:24
ՌԴ ռազմական դատարանը ՀՀ քաղաքացուն դատապարտել է 9,5 տարվա ազատազրկման՝ ԼՂ-ի պատճառով հակառուսական մեկնաբանությունների համար
ՀՀ-ն Իրանի պետական անվտանգության դեմ միջոցներ չի ձեռնարկի, նույնն ակնկալում ենք իրենցից․ Փաշինյան․ ՏԵՍԱՆՅՈՒԹ
Քաղաքականություն
15.01.2026 | 15:47
Վարչապետ Նիկոլ Փաշինյանը հայտարարել է, որ Հայաստանի Հանրապետությունը Իրանի պետական անվտանգության դեմ միջոցներ չի ձեռնարկի, և նույնը ակնկալում է նաև Իրանի Իսլամական Հանրապետությունից։
Հիշեցնենք, որ Հայաստանում Իրանի արտակարգ և լիազոր դեսպան Խալիլ Շիրղոլամին երեկ դժգոհել էր, թե Թեհրանում այնպիսի պատկերացում է ձևավորվում, որ Հայաստանը դառնում է «Իրանի դեմ թշնամաբար տրամադրված ուժերի գործունեության կենտրոն»՝ ակնարկելով ՀՀ-ում Իրանի դեսպանատան շենքի մոտ տեղի ունեցած հակակառավարական ակցիաները։
ՀՀ ՆԳՆ-ն անդրադարձել էր այս հայտարարությանը՝ նշելով․ «Խնդրո առարկայի շուրջ ՀՀ-ում ԻԻՀ դեսպանության հետ առկա է մշտական աշխատանքային կապ: Հարկ է նաև նշել, որ Ներքին գործերի նախարարության կողմից բոլոր նշված հավաքները սպասարկվել են օրենսդրությամբ սահմանված կարգով, ապահովվել է ինչպես հավաքների մասնակիցների, այնպես էլ դեսպանատան շենքի անվտանգությունը։
Միևնույն ժամանակ, Հայաստանի Հանրապետությունը՝ որպես ժողովրդավարական պետություն, ՀՀ Սահմանադրության, «Հավաքների ազատության մասին» օրենքի և միջազգային պարտավորությունների շրջանակներում պարտավոր է չխոչընդոտել քաղաքացիների ազատ տեղաշարժի, խաղաղ հավաքների ազատության իրավունքի իրացումը»,- ասված է հաղորդագրության մեջ:
Մանրամասները՝ տեսանյութում։
