18.05.2026 | 22:22
Կասեցվել է օնլայն կեղծ խաղատների՝ մասնագիտացված հանցավոր խմբի գործունեությունը. ՆԳՆ
Հանրապետականը խորհրդի նիստ կանցկացնի. օրը հայտնի է
Քաղաքականություն
08.11.2018 | 12:35
Հանրապետական կուսակցությունը նոյեմբերի 11-ին կհրավիրի ընդլայնված կազմով խորհրդի նիստ՝ քննարկելու առաջիկա խորհրդարանական ընտրություններին մասնակցության հարցը: Factor.am-ին փոխանցեց ՀՀԿ կազմակերպչական հանձնաժողովի նախագահ Ռուբեն Թադեւոսյանը:
Այլ մանրամասներ նիստի օրակարգից Թադևոսյանը չհայտնեց: Նշենք, որ մինչ այս Հանրապետականից հայտնել էին, որ արտահերթ խորհրդարանական ընտրություններին մասնակցել-չմասնակցելու հարցը քննարկվելու է կուսակցության սպասվող համաժողովում:
Թե ինչու համաժողովի փոխարեն ի վերջո որոշվեց անցկացնել ընդլայնված կազմով խորհրդի նիստ այսօր ՀՀԿ-ից չպարզաբանեցին: Հանրապետականի խոսնակ Էդուարդ Շարմազանովը ավելի վաղ Factor.am-ին տեղեկացրել էր, որ համաժողով կլինի, թե խորհրդի նիստ էական չէ, կարևորը հարցը հնարավորինս լայն շրջանակների հետ քննարկելն է:
