07.03.2026 | 14:22
Շունը երկու դահուկորդի է «տապալել» մարաթոնի ժամանակ․ ՏԵՍԱՆՅՈՒԹ
Թրամփը հայտարարել է՝ «անընդունելի» է, որ Գրենլանդիան «ԱՄՆ-ի ձեռքում չլինի»
Քաղաքականություն
14.01.2026 | 22:01
ԱՄՆ նախագահ Դոնալդ Թրամփը հայտարարել է, որ «անընդունելի» կլինի, որ Գրենլանդիան, ԱՄՆ-ից բացի, լինի որևէ այլ երկրի «ձեռքում», վերահաստատելով Արկտիկական կղզին՝ Դանիայի կիսաինքնավար տարածքը գրավելու իր պահանջը՝ դրա ապագայի վերաբերյալ բանակցություններից մի քանի ժամ առաջ, գրում է The Guardian-ը։
«ԱՄՆ-ին Գրենլանդիան անհրաժեշտ է ազգային անվտանգության նկատառումներից ելնելով։ ՆԱՏՕ-ն պետք է առաջնորդի մեզ այն ստանալու համար»,- գրել է ԱՄՆ նախագահը սոցիալական ցանցերում։
Նա ասել է, որ դաշինքը «շատ ավելի հզոր և արդյունավետ է դառնում» ԱՄՆ-ի վերահսկողության տակ գտնվող տարածքի հետ։
«Այն կենսական կարևոր է «Ոսկե գմբեթի» համար, որը կառուցում ենք»,- ասել է նա՝ անդրադառնալով հակահրթիռային պաշտպանության համակարգին։
Թրամփի խոսքերը հնչում են այն ժամանակ, երբ Դանիայի և Գրենլանդիայի արտաքին գործերի նախարարները պատրաստվում էին հանդիպել ԱՄՆ փոխնախագահ Ջեյ Դի Վենսի և պետքարտուղար Մարկո Ռուբիոյի հետ Վաշինգտոնում՝ քննարկելու տարածքի հարցը ԱՄՆ-ի շաբաթներ շարունակ ճնշումներից հետո աճող լարվածության ֆոնին։
ԱՄՆ նախագահն առաջին անգամ Գրենլանդիան ԱՄՆ-ի կողմից գրավելու գաղափարը բարձրացրել է 2019 թվականին՝ նախագահի պաշտոնում առաջին ժամկետի ընթացքում, սակայն անցյալ տարի Սպիտակ տուն վերադառնալուց հետո զգալիորեն կոշտացրել է հռետորաբանությունը՝ ասելով, որ ԱՄՆ-ն այն կվերահսկի «այս կամ այն ձևով»։
Չորեքշաբթի Reuters/Ipsos-ի կողմից անցկացված հարցումը ցույց է տվել, որ ամերիկացիների միայն 17%-ն է հավանություն տվել Գրենլանդիան ձեռք բերելու՝ Թրամփի ջանքերին, և որ թե՛ դեմոկրատների, թե՛ հանրապետականների զգալի մեծամասնությունը դեմ է կղզու բռնակցման համար ռազմական ուժի կիրառմանը։
Հարցման մասնակցածների մոտ 47%-ը հավանություն չի տվել ԱՄՆ-ի ջանքերին տարածքը ձեռք բերելու հարցում, մինչդեռ 35%-ը նշել է, որ վստահ չէ։ Միայն 4%-ը, այդ թվում՝ յուրաքանչյուր 10 հանրապետականից միայն մեկը և գրեթե ոչ մի դեմոկրատ, ասել է, որ ռազմական ուժը «լավ գաղափար» կլինի։
Թարգմանությունը՝ Էմմա Չոբանյանի
